Ministrja Elisa Spiropali është përplasur me deputetët e opozitës në Kuvend, duke i’u drejtuar me tone të ashpra që të pushojnë.
“Interpelancat bëhen për çështje publike, jo për biznese individuale apo për të telendisur njerëz me mikrofonin e Kuvendit. Por që kur zotëria është bërë kalë karroce i qorr fermanit nuk i dallon dot këto të dyja. Ishte një biznesmen i nderuar kur hyri në politikë dhe po del si një ushtar i qorr fermanit. Nuk di as çfarë nxjerr nga goja, as peshën e fjalëve, na përmend ne trupin. Ka turp më të madh se lukunia juaj që jeni bërë bashkë për të mbrojtur një njeri nga krimet dhe vjedhjet që ka bërë”, ka replikuar Spiropali
Në një moment deputeti Luçiano Boçi ka ndërhyrë por ministrja i është kthyer me tone të larta.
“Pusho, pusho ti se ti je i pari kalë karroce. A nuk është turp zotëri? Një tufë burrash që bërtasin nga vendi. Ul zërin, abuzoni këtu me të drejtën për interpelanca. Nëse bashkëshorti i ministres do na hidhte në gjyq ty dhe mua bashkë, do ta fitonte këtë gjyq” , ka thënë Spiropali
