Bashkimi mes një stalaktiti dhe një stalagmite bernda shpellës së Pertosa-Auletta (Salerno, Itali) është kthyer në një event, jo vetëm për studiuesit, por edhe për njerëzit e thjeshtë që nisën të shpërndajnë imazhin përmes rrjeteve sociale. Ajo që shumë gjeologë të shpellave e kanë quajtur ‘puthje’, është një event që gjeologjikisht pritej prej 20 mijë vitesh.
“Mendohet se prej thuajse njëzet mijë vitesh, këto bashkime rriten ngadalë, duke u përpjekur të takohen. Për këtë arësye kemi zgjedhur këtë foto për të festuar rekordin e ndjekësave tanë”, shkruajnë në faqen e Facebook përgjegjësit e shpellave të Pertosa-Auletta.
Stalagmitet, duhet kujtuar, është një formim kolone gurësh që ngrihet nga dyshemeja e një shpelle, që i nënshtrohet fenomeneve karstike, prodhuar nga pikimi i ujit që depoziton shtresa të njëpasnjëshme të mineraleve.
Stalaktiti është e kundërta e tij, duke qenë se krijohet nga lart. Formacioni i stalaktitëve të mëdhenj kërkon shumë kohë, madje edhe mijëra vjet. Stalaktiti zakonisht ka një formë cilindrike, ose formën e një koni të zgjatur, por nëse shpella përshkohet nga korrente ajri, mund të marrë forma nga më të çuditshmet. Kur një stalactite bashkohet me një një stalagmite, ka formën e një kolone. /Përshtatur nga Pamfleti.
