Bota18 Maj 2022, 07:23

Putini shqetësohet për Europën: Pasi të na vini embargo do të paguani çmime të larta për energjinë

Shkruar nga Pamfleti
Putini shqetësohet për Europën: Pasi të na vini embargo do

Putini shqetësohet për Europën: Pasi të na vini embargo do të paguani çmime të larta për energjinë

Vladimir Putin është shprehur se duke u vënë embargon karburanteve ruse, Evropa rrezikon që të paguajë çmimet më të shtrenjta të energjisë në botë. Agjencia e lajmeve Reuters raporton se presidenti rus ka thënë se është e pamundur për disa vende evropiane që të heqin dorë në terma afatshkurtër nga nafta ruse.

 “Natyrisht, disa shtete të BE-së, në bilancin energjetik të të cilëve pjesa e hidrokarbureve ruse është veçanërisht e lartë, nuk do të jenë në gjendje të veprojnë për një kohë të gjatë, pra të heqin dorë nga nafta jonë”, shprehet despoti i Kremlinit.

Duke folur në një takim me menaxherë vendas të naftës dhe zyrtarë të qeverisë, Putin tha gjithashtu se sanksionet perëndimore dhe një embargo e mundshme ndaj naftës ruse kanë rezultuar në fakt në një rritje të çmimeve globale të naftës.

Ai tha gjithashtu se sanksionet e vendosura nga Perëndimi kanë nxitur inflacionin në të gjithë Evropën.

Në të njëjtën kohë, presidenti polak Andrzej Duda u shpreh në një konferencë të përbashkët për mediat me homologen e tij hungareze Katalin Novak se Hungaria do të luftojë për të diversifikuar furnizimin e saj me energji.

“Ju lutemi mbani mend se do të jetë e vështirë për hungarezët të diversifikohen nëse fondet evropiane të rimëkëmbjes mbeten të bllokuara,” tha Duda, duke shtuar se ai shpreson që BE të arrijë unanimitetin për aprovimin e paketës së gjashtë të sanksioneve ndaj BE-së.

Bota Europë Vladimir Putin