Ministria e Financave kërkon të ulë pragun e detyrimit të deklarimit në të ardhurave nga 2 milionë lekë, 1.2 milionë lekë.
Me ligjin aktual, çdo person që fiton në vit 2 milionë lekë, është i detyruar të bëjë deklarim të të ardhurave, por tani shifra do të zbresë në 1.2 milionë lekë.
“Një person është i detyruar të dorëzojë një deklaratë vjetore tatimore personale kur të ardhurat tatimore vjetore të tij/saj janë: a. Më shumë se 1,200,000 lekë e të ardhurave bruto nga punësimi, ose b. Më shumë se 50,000 lekë e çdo të ardhure tjetër që nuk i nënshtrohen tatimit përfundimtar në burim”, thuhet në projektligjin që po konsultohet.
Por pavarësisht deklarimit këto persona nuk do të paguajnë tatim shtesë pasi ju mbahet çdo muaj.
Ministria e financave shprehet se qëllimi i uljes së pragut ka të bëjë me zgjerimin e regjistrit të të ardhurave totale të individëve të punësuar në mënyrë që ta kenë më të thjeshtë kontrollin e shpenzimeve dhe uljen e evazionit. Ligji i ri për tatimin mbi të ardhurat pritet të hyjë në fuqi në 1 Janar 2023.
