‘Blerjet’ e fundit të Partisë Socialiste me mjeken Najada Çomo dhe spcialisten e tërmeteve Luljeta Bozo, kanë trazuar ‘qetësinë’ e partisë opozitare demokrtike.
Drejtuesi i fushatës së Partisë Demokratike, Alfred Rushaj, në një intervistë në “News 24”, u shpreh në lidhje me kandidimin e Najada Çomos dhe të Luljeta Bozos për Partinë Socialiste, se ato janë truke dhe makjazhe që Rama po i përdor për të gënjyer qytetarët.
Rushaj theksoi më tej se shqiptarët nuk gënjehen, por ata duan të ndryshojnë kryeministrin.
“Anëtarësia e PD është shumë entuziaste. Qytetarët e konsiderojnë PD-në si të vetmen mundësi që të dalin nga kriza, që kjo qeveri e ka futur vendin. Kemi dhënë udhëzime për masat ndaj koronavirusit. Partia Demokratike ka nisur një proces serioz për një listë dinjitoze. Emrat e kryeministrit i shikoj si propagandë dhe makijazhit, sa herë që ndodhet në vështirësi.
Një njeri merr vendimet dhe ky është kryeministri Edi Rama. Tetë vjet të mbushura me dështime nuk mund të tejkalohen me një individ. Nëse merr edhe kirurgun më të mirë, i ke hequr mjekësisë një njeri me rëndësi me qëllim që të rregullosh fytyrën tënde. Ne e dimë se Rama ka shkatërruar shëndetësinë. Shqiptarët nuk gënjehen me truke e makijazhe. Shqiptarët do vendosin për të ndryshuar kryeministrin”, u shpreh Rushaj.
