Rreziku nga riciklimi i çiftit inter-mafioz Meta-Kryemadhi/ Me protestat e viteve 1998-2005 dhe rikthimin në pushtet, Sali Berisha i shpëtoi drejtësisë dhe vodhi për 100 breza. Gjatë 8 viteve opozitë iu dha garanci nga Edi Rama; ndërsa me këto protesta, Berisha e Meta po synojnë të marrin pushtet me dhunë, për t’i shpëtuar prangave e sekuestrimit nga drejtësia amerikane, lidhur me vendimin “non grata” e disa dosje krimesh që u ka ri-hapur SPAK
Për ta servirur “revolucionin” e 7 korrikut, si gjoja protestë “gjithë-përfshirëse, intelektuale e popullore”, Sali Berisha ka pronotuar një sallë hoteli në qendër të Tiranës, ku çdo ditë, para se të niset te vila e Lalzit, bën takime në logon “Shqipëria në rrezik, ta shpëtojmë nën drejtimin tim dhe të Ilirit”.
Këto takime, Saliu po i servir si mbështetje nga mjekët, mësuesit, fermerët, tregtarët, ndërtuesit, aktorët, taksistët, pensionistët, studentët, të papunët, fakirët, Shoqëria Civile etj., duke menduar se dhe sot pas 17 vitesh, do mashtrojë e do rikthehet në pushtet me demagogjinë e “COP”-it.
Me zë e me figurë, në mbledhjet e ish-kryeministrit “non grata” duken vetëm shërbëtorët e tij ish-ministra, deputetë, drejtorë, doganierë, tatimorë, drejtues policie, “ushtarë” të Shoqërisë Civile dhe disa gra, pensionistë, çuna e goca që Spaho, Këlliçi e Vokshi ia çojnë në çdo takim.
Realiteti social, ekonomik, korruptiv e kriminal që ka instaluar klani mafioz i kryeministrit Edi Rama, është aq i rëndë e shkatërrues në çdo aspekt, sa vërtetë duhet protestuar masivisht e fuqishëm, deri në detyrimin për ta shporrur nga pushteti, ose për të mos e votuar më.
Nëse Sali Berisha dhe Ilir Meta, paskan kaq “dhimbje” për hallet e shqiptarëve, mund t’i kishin zgjidhur kur kanë qenë veç e së bashku në pushtet, madje Ilir Meta dhe 6 vite kryeministër e ministër me Fatos Nanon e 4 vite me Edi Ramën, ku përlau 40% të pushtetit.
P.sh., “non grata” Sali Berisha u besua e u provua në vitin 2005, kur u betua për “qeverisje me duar të pastra”, por iku nga pushteti me fytyrë të zezë korrupsioni ekstrem, siç e ka përcaktuar DASH, si dhe me 4 ngjarje të rënda: Gërdeci, vrasja e Kosta Trebickës; dhe bashkë me Ilir Metën, zhdukja e Eduard Belegut të PPP kromit e bakrit dhe 21 janari.
Pa asnjë diskutim e madje urgjent, duhet shporrur Edi Rama dhe grupi i tij mafioz Beqja-Ahmetaj- Balluku- Manastirliu- Kumbaro- Peleshi dhe i bandës së drejtorëve: Lame i Kadastrës, Agolli i FSHZH, Berberi i Rrugëve, Verdho i KESH, Drenova i OST, Pirro Vengu i Portit-Durrës, Ceno Klosi i Tatimeve, Gazheli i Doganave etj.
Po përse dhe për çfarë punësh në dobi të shqiptarëve e vendit, duhet provuar përsëri babi “non grata” i Zenit e Argitës, të cilët krijuan një klikë pushteti mafioz dhe zhvatën pasuritë kombëtare e vrisnin cilindo që i denonconte.
Përse duhet provuar përsëri burri i Monikës dhe klani i tij mafioz, i cili përveçse është me dosje “non grata” gati në DASH me të njëjtat akuza si Sali Berisha; i penduari Nuredin Dumani, i nxori emrin Ilir Metës, si porositës dhe financues vrasjesh me pagesë
Me protestat e viteve 1998-2005 dhe rikthimin në pushtet, Sali Berisha i shpëtoi drejtësisë dhe vodhi për 100 breza, madje deklaroi se fëmijët e tij janë bërë miliarderë me “punë të ndershme”, gjë që paralajmëron se do t’u quhen “pasuri të pastra” me ligjin e Amnistisë Fiskale.
FAKT/ Gjatë 8 viteve opozitë, Saliut iu dha garanci nga Edi Rama, i cili nuk i çoi tatimet te bizneset, policinë kriminale për t’i verifikuar pasuritë, nuk e çoi para drejtësisë për Gërdecin e 21 janarin, madje bëri aleanca të hapura dhe skutave me Metën e Berishën.
Ndërsa me nisjen e protestave më 7 korrik, “agallarët Berisha- Meta nuk kanë inat me Edi Ramën, por synojnë të marrin pushtet, për t’i shpëtuar prangave e sekuestrimit nga drejtësia amerikane, lidhur me vendimin “non grata” e disa dosje që u ka ri-hapur SPAK. /Pamfleti
