Kryeministri Edi Rama i ka bërë thirrje liderëve shqiptarë dhe maqedonas në Maqedoninë e Veriut, që të pranojnë propozimin francez për zgjidhjen e ngërçit me Bullgarinë.
Përmes një mesazhi në Twitter, Rama shkruan se Franca i ka dhënë Shkupit një mundësi dhe pranimi i saj i hap rrugë nisjes zyrtare të negociatave për anëtarësimin e Maqedonisë së Veriut dhe Shqipërisë në Bashkimin Europian.
“Propozimi i fundit francez, i cili është edhe përfundimtari, i jep Maqedonisë së Veriut mundësinë e një pranimi pa rezervë dhe hap rrugën e nisjes zyrtare të negociatave për anëtarësimin e të dy vendeve në Bashkimin Europian! Vëllezërve maqedonas&shqiptarë në MV u them: Pranojeni!”– shkruan Rama.