Vlera 2.6 milionë Euro do jetë për makina elektrike nga ato që kanë biznes Endri Fuga e Blendi Gonxhe/ Duhet vlerësuar nëse Gledis Nano me këtë tender po mbulon vjedhjet e paraardhësve Ardi Veliu, Fatmir Xhafaj e Sandër Lleshaj apo po vazhdon pazaret si ata. Sepse policia ka në zbatim dhe 4 kontrata të tjera për makina me qira të marra te Agron Pupuli, me afat deri në muajt maj-qershor 2024- 2025 e vlerë totale 10.5 milionë Euro
Ditën e hënë, 3 orë pasi kryeministri Edi Rama ligjëroi në Konferencën e Parë Kombëtare Anti-korrupsion, ku “u betua” se do zhdukte tenderët abuzivë, Drejtori i Policisë së Shtetit, Gledis Nano, shpalli një tender 5 milionë Euro për marrje auto-veturash me qira.
Së dyti, prej 5 vitesh, tenderët për makina me qira në Policinë e Shtetit, i jepen pa garë e me vlerë kontrate sa 99% e fondit, vetëm Agron Papulit, mikut të kryeministrit Rama.
Së treti, policia nuk ka pse të marrë makina me qira, mbasi në funksion aktiv ka 312 makina më tepër se numri i nevojshëm sipas strukturave të shërbimeve administrative e operacionale.
Por dyshimi për korrupsion, krijohet nga fakti se Policia e Shtetit ka ende në zbatim, 1 kontratë tenderi të bërë nga ish- kryepolici Ardi Veliu më 5 maj 2021, me afat deri në maj 2025 e vlerë 2.4 milionë Euro, për marrjen e 267 makinave me qira.
Po kështu, policia ka në zbatim dhe 2 kontrata të bëra nga ish-ministri Fatmir Xhafaj në muajt mars e gusht 2018, me vlerë totale 5.3 milionë Euro; si dhe 1 kontratë tenderi po për marrje makinash me qira, të bërë nga Sandër Lleshaj në muajin maj 2019, me vlerë 2.8 milionë Euro.
Këto 3 kontrata tenderësh që kanë bërë Xhafaj e Lleshaj, janë më afat qiraje deri në muajin qershor 2024, për të marrë nga 200-270 auto-vetura me qira për policinë.
Deri tani, përveç kryepolicit Gledis Nano, anëtarëve të komisionit të tenderimit dhe ministrit Çuçi, askush tjetër nuk e di nëse këto makina janë marrë vërtetë e po përdoren nga policia, por dihet, që policia ka aq shumë makina në dispozicion, sa ka pajisur dhe sekretaret e shefave të lartë në qendër e rajone, por dhe i përdorin për familjarët e punët personale.
Tenderi i radhës që kryepolici Gledis Nano, ka firmosur për të marrë makina me qira, është i ndarë në dy lote, ku 2.6 milionë Euro do jenë për makina elektrike, si ato që kanë futur në Shqipëri Endri Fuga dhe Blendi Gonxhe.
Ky tender, do bëhet me 11 korrik 2022, ose 2 javë para se shefat e qeverisë, të policisë e ministrisë së Brendshme, të nisen për pushime verore brenda apo jashtë Shqipërisë./Pamfleti
