Deklarata e Gjykatës së Apelit dy orë para hedhjes së shortit për caktimin e gjyqtares që do të shqyrtojë në këtë shkallë të gjyqësorit, ankimimin e kreut të Grupit Parlamentar të PD-së, Enkelejd Alibeaj, për mos njohjen e statutit të dalë nga Kuvendi i Dhjetorit të vitit 2021, ka tërbuar Sali Berishën.
Përmes një postimi në rrjetet sociale, Berisha thekson se kjo lëvizje tregon qartësisht ndërhyrjen politike të Edi Ramës dhe “guvernatores” së Tiranës, Yuri Kim, duke përbërë një shkelje kushtetuese.
Po ashtu, i ndalur tek vendimi i Blerina Muçës për të pranuar për shqyrtim në Apel ankimimin e Alibeajt, i cili ka kërkuar që të rrëzohet vendimi i Zhukrit me pretendimin se Kuvendi i 11 dhjetorit ka qenë i pa bazuar në Statut, Berisha kjo është në kundërshtim flagrant me ligjet e vendit.
“Deklarata e pare ne historine e botes!
Te dashur miq, prej tre javesh, ne kundershtim flagrant me ligjet e vendit gjate te cilave Gjykata e Tiranes nuk i dha PD nje kopje te vendimit anti ligjor te gjykateses Blerina Muça, e cila ne kundershtim flagrant me ligjin dhe me nderhyrje antikushtetuese te Edi Rames dhe Guvernatores Kim (sic e pohoi ajo vete) shpalli pale ata qe kurre nuk kane qene pale.
Kete vendim antiligjor kjo gjykate e dergoi sot ne Apel, perseri duke mos ia dhene vendimin PD, e cila ishte pale e vetme ne proces.
Por ky akt antiligjor ne nje rast unik ne historine e Shqiperise dhe te botes, shoqerohet nga nje deklarate politike e gjykates se Apelit publikuar dy ore para se sa te hidhet shorti per gjyqtarin qe do te shqyrtonte çeshtjen.
Kjo deklarate qe asnjehere nuk eshte bere ne paradhenie nga ndonje gjykate, as ne diktature, deshmon ne menyre te pakundershtueshme:
1- nderhyrjen e turpshme dhe diktimin e nje deklarate te tille gjykates nga Edi Rama, e cila tregon perpjekjet e tmerrshme per ndikimin ne drejtesi.
Duke denuar me ashpersine me te madhe kete nderhyrje brutale ne punen e gjykatave, rikujtojme se nje deklarate e tille nuk eshte bere as kur Alibasha sulmoi eger gjykatesin e gjykates se Tiranes, nje dite para se te vendoste per kuvendin e 11 Dhjetorit te vitit 2021 te PD”– shkruan Berisha.
Vlen të theksohet se, Elona Toro do të jetë gjyqtarja e cila do të shqyrtojë ankimin e bërë nga Enkelejd Alibeaj. Toro u caktua për shqyrtimin e kësaj çështjeje, nga hedhja e shortit këtë të martë. Shorti përcaktoi se trupa gjykuese do përbëhet edhe nga gjyqtarët Edlira Petri dhe Genti Shala.
