Bota17 Tetor 2018, 20:19

Reagon ministri Kotzias pas dorëheqjes: Deshën të më varrosnin thellë, harruan se unë jam fara

Shkruar nga Pamfleti
Reagon ministri Kotzias pas dorëheqjes: Deshën të më

Ish-ministri i Jashtëm i Greqisë, Nikos Kotzias ka reaguar në Twitter pas dorëheqjes nga posti.

“Vjen momenti, thotë poeti, të vendosësh me cilët do shkosh dhe kë do lësh (pas). KM dhe disa Ministra bënë zgjedhjen e tyre në mbledhjen e Këshillit të Ministrave mbrëmë në darkë; më pas bëra edhe unë zgjedhjen time. Por është mirë të mos harrojnë këtë varg: Deshën të më varrosnin thellë, harruan se unë jam fara.”, shkruan Kotzias, duke konfirmuar kështu atë që është raportuar më herët në media se ai u dorëhoqë pas përplasjes me ministrin e Mbrojtjes, Panos Kamenos gjatë mbledhjes së qeverisë. Më keq akoma, sipas Kotzias, ishte qëndrimi i kryeministrit Alexis Tsipras, i cili nuk i doli në krah, por e ‘la në baltë’.

Zya e kryeministrit grek e falenderoi Nikos Kotzias për kontributin, ndërsa për momentin postin e Ministrit të Jashtëm e mban vetë kryeministri Tsipras.

Rajoni