Mërgim Berisha duket se do të largohet shumë shpejt nga Salzburg, pasi paraqitjet e tij në Champions kanë qenë shumë të mira. Sulmuesi i krahut gjeti dhe golin e dytë personal dhe të ekipit të tij për 0-2. Salzburgu ndërmori një kundërsulm perfekt dhe nuk gaboi përballë portierit.
Përfundojnë 2 ndeshjet e raundit të 5 të UEFA Champions League. Reali i Madridit është mundur nga Shaktari i Donjetskut me rezultatin e pastër 2-0. Ekipi i trajnerit Zinedin Zidan e pësoi në minutën e 57 nga Detinjo pas një gafe skandaloze në mbrojtje. Mendi la topin në zonë dhe ishte sulmuesi vendas që nuk gaboi.
Në minutën e 83, ukrainasit gjetën edhe golin e dytë me Solomon. Një kundërsulm fantastik i skuadrës vendase që gjeti në gjumë mbrojtjen e spanjollëve.
Kjo humbje, bën që Reali të mbajë të hapur kualifikimin deri në ndeshjen e fundit, ku do të përballet me gjermanët e Borusia Myqengladba.
Në ndeshjen tjetër, Salzburg ka mundur Lokomotivën e Moskës pastër 3-1. Austriakët kaluan në avantazh në minutën e 28 me Mërgim Berishën. Lojtari shqiptar është shumë në formë dhe po shënon vazhdimisht në Champions.
Në minutën e 41, ishte sërish shqiptari që dyfishoi shifrat. Sulmuesi i krahut gjeti dhe golin e dytë personal në këtë ndeshje. Salzburgu ndërmori një kundërsulm perfekt dhe nuk gaboi përballë portierit.
Në minutën e 79, Mirançuk shkurtoi diferencën për Lokomotivën e Moskës, por goli i tij pati vlerën e statistikës, pasi Salzburgu realizoi golin e sigurisë me Biliadentinov në minutën e 81.
