Reali i Madridit ka fituar në transfertë me rezultatin 1-4 ndaj Granadës. Madrilenët nuk e patën të vështirë triumfin dhe me këtë fitore ngjitet përkohësisht në vendin e parë.
Skuadra e drejtuar nga Karlo Ançeloti e filloi ndeshjen vrullshëm, me sulmuesin Asensio që shënoi në minutën e 19. Pak minuta më vonë shënoi dhe Naço. Toni Kros dha asistet për të dy golat. Granada ngushtoi diferencën në minutën e 34 me Suarez. Në pjesën e dytë, miqtë vazhduan me sulme të njëpasnjëshme. Braziliani Vinisius shënoi golin e tretë. Në fund pati gol dhe për mbrojtësin Mendi.
Me këtë fitore, Reali ngjitet përkohësisht në vendin e parë me 30 pikë të grumbulluara.
