Përfundojnë ndeshjet e katërta në grupe të Champions League. Reali ka mundur Interin në “San Siro” me rezultatin e pastër 0-2. Ndeshja u zhbllokua pas vetëm 7 minutash nga një penallti e Eden Hazard.
Një 11-metërsh që u dha për një faull të Barelas ndaj Naços, por zikaltrit nuk ishin dakord me vendimin e arbitrit.
Në minutën e 33, Interi mberi me 10 lojtarë, pasi Arturo Vidal u ndeshkua me kartonin e kuq. Mesfushori kilian u ndëshkua dy herë për mosbindje ndaj arbitrit anglez Antoni Tejlor.
Do të vinte minuta e 59 që Reali të gjente golin e dytë dhe të qetësisë me Rodrigo në minutën e 59. Braziliani shënoi sapo u fut në fushën e lojës në vend të Diaz.
Bajerni i Mynihut ka siguruar kualifikimin, pasi ka mundur Salzburgun me rezultatin e pastër 3-1. Gjermanët zhbllokuan shifrat në minutën e 42 me Robert Levandovskin. Sulmuesi shfrytëzoi mjaft mirë një top të kthyer nga portieri kundërshtar dhe e dërgoi në rrjetë.
Në minutën e 52, kampionët dyfishuan shifrat me Koman në minutën e 52. Francezi ndërmori një aksion të mirë diagonal me portën, u fut mirë në zonë dhe gjeti rrjetën, pasi goditja e tij u përplas te mbrojtësit kundërshtar.
16 minuta më vonë, Bajerni shënoi edhe golin e tretë me Sane. Sulmuesi trefishoi shifrat me kokë pas një pasimi të Koman.
Salzburgu ngushtoi shifrat në minutën e 73. Berisha mori një top nga krahu i djathtë i fushës dhe e dërgoi në rrjetë.
Atalanta ka triumfuar në “Anfieldd Road” duke mundur Liverpulin vendas 0-2. Bergamaskët zhbllokuan ndeshjen me Iliçiç në minutën e 60. Katër minuta më vonë erdhi edhe dyfishimi me Gosens.
Ajaksi ka mundur danezët e Midtyland me shifrat 3-1, Porto ka triumfuar 0-2 në “Velodrom” kundër Marsejës, ndërsa Atletiko e Madridit ka “ngecur” në shtëpi, pasi nuk ka shkuar më shumë se barazimi 0-0 me Lokomotivën e Moskës.
