Përfundojnë 2 ndeshjet e orës 21:00. Reali i Madridit është ‘thyer’ në “Santiago Bernabeu” nga Deportivo Alavesh me rezultatin e pastër 1-2. Miqtë zhbllokuan takimin në minutën e 5. Perez shënoi nga pika e bardhë pas penalltisë së shkaktuar nga Naço për prekje të topit me dorë në zonën e rreptësisë.
Me fillimin e pjesës së dytë, ALavesh realizoi edhe golin e dytë, edhe pse dhurata erdhi nga portieri Kurtua, i cili bëri një asist për kundërshtarin që nuk fali. Joselu realizoi me portën bosh.
Në minutën e 86, Kasemiro ngushtoi shifrat, por goli i realizuar prej tij pati vlerëne statistikës.
Me këtë humbje, Reali i Madridit mban vendin e 4 me 17 pikë, ndërsa Deportivo Alavesh ngjitet në vendin e 8 me 13 pikë.
Në kampionatin francez, PSG është ndalur nga Bordo në shifrat 2-2. Miqtë kaluan në avantazh në minutën e 10 me një autogol të Pembele. Një debutim aspak i mirë për 18-vjeçarin me kampionët e Francës. Por në kuadrin e 2 minuta, parizienët përmbysën takimin, fillimisht në minutën e 26 me penallti nga Nejmar dhe në të 28-ën me Kean.
Në pjesën e dytë, Bordo gjeti golin e barazimit, teksa një goditje e Adli në kufi të hyrjes së zonës shtangu portierin Navas.
Me këtë barazim, PSG mban vendin e parë me 25 pikë, ndërsa Bordo renditet në vendin e 11 me 16 pikë. buy over the counter medicines
