Kreu i Partisë Demokratike Lulzim Basha, ka publikuar sot pamje nga takimi që zhvilloi ditën e djeshme me strukturat drejtuese të degës në Durrës. Basha shkruan se ky ndryshim që ka nisur nga vetja është përcaktues për fatet e vendit, sepse si do të jetë Partia Demokratike sot, do të jetë Shqipëria nesër.
Krahas një videoje nga takimi, Basha shprehet se demokratët po binden se duhet të jenë të bashkuar për të ndërtuar një të ardhme më të mirë. Basha u kërkon demokratëve që të reflektojnë me sinqeritet mbi të shkuarën.
“Ditë pas dite shqiptarët po binden se demokratët janë të bashkuar në qëllimin e tyre për të ndërtuar një të ardhme më të mirë. Mënyra si ne shpalosim me qytetari vizionin që kemi për politikën, për luftën kundër korrupsionit, për zhvillimin e vendit, duke reflektuar me sinqeritet mbi të shkuarën tonë, për të davaritur hijet që na kanë ndarë nga pjesa më e shëndetshme e shoqërisë shqiptare. Ky ndryshim që kemi nisur nga vetja është përcaktues për fatet e vendit, sepse si do të jetë Partia Demokratike sot, do të jetë Shqipëria nesër“, shkruan Basha.
