Shkruar nga Pamfleti
Të hënën, Maqedonia do të quhet zyrtarisht “Republika e Maqedonisë së Veriut”. Ky zbatim vjen pas ratifikimit të protokollit për anëtarësim në NATO nga Parlamenti grek.
‘’Këto masa rregullojnë zbatimin e emrit të ri Kushtetues, Republika e Maqedonisë së Veriut.’’, u shpreh Mile Boshnjakovski, zëdhënës i qeverisë.
Boshnjaku shtoi më tej se ndryshimet do të bëhën në përputhje me Ligjin për përdorimin e gjuhëve. Qeveria do të fillojë menjëhere ngritjen e një grupi pune, të cilët do ta monitorojnë zbatimin e emrit në të gjitha tabelat brenda dhe jashtë vendit.
‘’ Shqiptarët janë 20 për qind në nivel shtetëror. Në përputhje me Ligjin për përdorimin e gjuhëve, të gjitha ndryshimet do të harmonizohen me dispozitat e ligjit”- tha Mile Boshnjakovski, zëdhënës i qeverisë, ndërsa organi ekzekutiv akoma nuk ka konstatuar sa do të kushtojë ky ndryshim.
Bullgaria është vendi i parë që ka miratuar protokollin ndërsa më 8 shkurt pritet që të njëjtin ta ratifikojë edhe parlamenti i Greqisë, raporton Alsat.
Kjo është marrëveshja, që i hapi Maqedonisë rrugën e proceseve euroatlantike të bllokuara për vite me radhë, për shkak të emrit të shtetit “Maqedonia”.
