Politike30 Tetor 2022, 20:59

Rezoluta e Dick Martyt, Balla: Aleanca e rublave Meta-Berisha të japë shpjegime, pse votuan pro raportit të sponsorizuar nga Kremlini?

Shkruar nga Pamfleti
Rezoluta e Dick Martyt, Balla: Aleanca e rublave Meta-Berisha të japë

Kreu i Grupit Parlamentar të Partisë Socialiste, Taulant Balla vijon replikat në distancë me Ilir Metën dhe Sali Berishën sa i përket rezolutës së Dick Martyt.

Ligjvënësit shqiptarë miratuan në korrik rezolutën që dënonte një raport të Këshillit të Evropës të vitit 2011-të që akuzonte guerilët e lartë të Ushtrisë Çlirimtare të Kosovës për krime lufte. Rezoluta, megjithëse mori 125 vota në Kuvend, u shoqërua me debate të ashpra midis deputetëve qeveris dhe opozitës, ku secila palë akuzoi tjetrën se nuk ka mbështetur mjaftueshëm Kosovën.

I ndalur tek kjo çështje, dhe debatet që pasuan vizitën e Ramës në Strasburg, Balla deklaron se nuk do të ndalet së luftuari për pastërtinë e luftës çlirimtare të Kosovës dhe rishikimin e Rezolutës së Këshillit të Europës bazuar në një raport famëkeq, mbështetur dhe sponsorizuar haptazi nga Kremlini dhe rublat ruse.

Socialisti thekson se aleanca e rublave Berisha-Meta, që për turpin dhe tradhtinë e tyre votuan PRO Rezolutës 1782 (2011) të Asamblesë Parlamentare të Këshillit të Europës, duhet t’iu japin shpjegime shqiptarëve.

“SHQIPËRIA nuk do të ndalet së luftuari për pastërtinë e luftës çlirimtare të Kosovës dhe rishikimin e Rezolutës së Këshillit të Europës bazuar në një raport famëkeq, mbështetur dhe sponsorizuar haptazi nga Kremlini dhe rublat ruse.

 Aleanca e rublave Berisha-Meta për turpin dhe tradhëtinë e tyre e kanë votuar PRO Rezolutën 1782 (2011) të Asamblesë Parlamentare të Këshillit të Europës (“APKiE”) për “hetimin e pretendimeve për trajtim çnjerëzor të personave dhe trafikim të paligjshëm të organeve njerëzore në Kosovë”, e cila bazohej në një raport (Doc. 12462, datë 7 janar 2011) të Dick Marty.

 Shqiptarët presin shpjegime se pse Sali Berisha dhe Ilir Meta votuan PRO, sa kohë ajo Rezolutë kishte zanafillën në një mocion për rezolutë (Dokumenti 11574, datë 15 Prill 2008) të propozuar nga drejtuesi i delegacionit rus Konstantin Kosachev, bazuar në tregime të paverifikuara për filma fiction të Carla Del Ponte.

E kam denoncuar heshtjen e Sali Berishës ndaj dokumentit të hartuar në Moskë, që në verën e vitit 2008. E kam denoncuar votën pro të Sali Berishës dhe Ilir Metës, për atë Rezolutë skandaloze në vitin 2011 gjithashtu. Kam denoncuar edhe lidhjet e Partisë Demokratike me financime të paligjshme ruse.

Sot pyetja që shtrohet është: Ndërsa Shqipëria zyrtarisht përmes Kuvendit dhe Kryeministrit Edi Rama vijojnë përpjekjen për ta pastruar këtë mal të madh balte dhe trillimesh, të denjë për filma horror, Sali Berisha dhe Ilir Meta pse janë hedhur në sulm dhe protesta!?

Kush ua ka mbyllur gojën me çelës dy ish-presidentëve, ish-kryeministrave të Shqipërisë dhe nuk thonë një fjalë të vetme kundër Vladimir Putinit?!

Çfarë dhe cilët duan të mbrojnë Sali Berisha dhe Ilir Meta? Rezolutën e Dick Martyt? Apo votën e tyre pro saj?

Java që mbyllëm ishte një javë intensive e Kuvendit të Shqipërisë në kontaktet me parlamentet e përfaqësuara në APKiE, në rrugën e shpalljes si të pabazuara të pretendimeve për trafikim të paligjshëm të organeve njerëzore në Shqipëri dhe/apo në Kosovë, në dritën e zhvillimeve që kanë ndodhur gjatë këtyre 11 viteve, fakteve, provave dhe informacioneve të përditësuara, sikurse dhe përsa i përket angazhimit, gatishmërisë dhe bashkëpunimit të plotë të Shqipërisë dhe Kosovës në shërbim të së vërtetës dhe vendosjes së drejtësisë. Lufta e UÇK ishte luftë e pastër, e drejtë dhe çlirimtare! Rroftë UÇK”– shkruan Meta.

Politike Balla Dick Marty