Për çdo gjë që nuk shkon mirë në vendin tonë, Partia Demokratike ka vetëm një përgjegjës kryesor, edhe ai është kryeministri Edi Rama.
Partia Demokratike me anë të ish-deputetit të saj Klevis Balliu ka publikuar disa pamje, ku tregohen përmbytjet në Pogradec. Balliu shprehet se Pogradeci përmbytet, për shkak të vjedhjeve që bën Edi Rama dhe Rilindja.
“POGRADECI PËRMBYTET PËR SHKAK TË VJEDHJEVE TË RAMËS. Kjo është qeveri e makthit, e vjedhjes dhe e bandave. Asnjë masë nuk merret nga pushteti lokal dhe ai qëndror për qytetet dhe qytetarët. Qyteti i Pogradecit përmbytet në verë ndërsa pushteti lokal dhe ai qëndror nuk ekziston. Prej 8 vitesh Pogradeci është lënë në harresë, e janë pikërisht vjedhjet e pushtetit të Rilindjes që shkatërrojnë qytete dhe vjedhin qytetarët. Të bashkohemi së bashku për të shpëtuar këtë qytet të bekuar nga i mallkuari Edvin Rama“, shkruan Balliu.
