Farmacistë ngrenë si shqetësim rritjen e kërkesës për medikamentet anti-depresive. Problem mbetet fakti se shumica e qytetarëve që përdorin këto medikamente janë të rinj. Kërkesa ka qenë 30% më e lartë këtë dy-vjeçarin e fundit. Problemet e shëndetit mendor janë shtuar edhe për shkak të mënyrës së jetesës gjatë pandemisë.
“Pandemia ndikoi negativisht në shëndetin e qytetarëve dhe shikojmë që ka një rritje të kërkesës ndaj medikamenteve”, thotë një farmaciste për ABCnews.
Farmacistët thonë se ka pasur kërkesa për anti-depresivë edhe nga 18 vjeçarët. Ai që kërkohet më shumë është ksanaksi, medikament shumë i fortë, dhe i ndaluar të jepet pa recetë.
Mjekët psikiatër rekomandojnë më së shumti medikamentet me përmbajtje bimore. Në urgjencën e psikiatrisë në QSUT paraqiten rreth 100 persona me probleme të ndryshme të shëndetit mendor.
