Aktualitet16 Korrik 2022, 13:54

Rritja e rasteve me Covid-19, autoritetet në Maqedoninë e Veriut thirrje për maska në ambiente të mbyllura

Shkruar nga Pamfleti

Rritja e rasteve me Covid-19, autoritetet në Maqedoninë e Veriut thirrje për maska në ambiente të mbyllura

Shkup, 16 korrik – Gjatë qëndrimit në hapësirë të mbyllur për një kohë të gjatë, duhet të mbahen maska, dhe personat nga kategoritë e rrezikuara duhet të mbajnë një maskë të paktën FPP2 ose H95 ose FFP3. Hapësirat në të cilat njerëzit qëndrojnë më gjatë (zyrat, klasat në kopshte, dhomat e mbledhjeve, etj.), si dhe ambientet sportive, duhet të inspektohen dhe dezinfektohen rregullisht. Për të shmangur grumbullimin e panevojshëm në grupe të mëdha dhe sa herë që është e mundur të ruhet një distancë prej dy metrash.

Këto janë një pjesë e rekomandimeve të dërguara sot nga Ministria e Shëndetësisë dhe Komisioni për Mbrojtjen e Popullsisë nga Sëmundjet Infektive i dërguan për shkak se, siç thonë ata, në vendin tonë shënohet rritje e transmisionit të koronavirusit, por edhe se ky është trendi i përgjithshëm  që mund të pritet të mos na shmangë.

Ministria e Shëndetësisë dhe Komisioni për Mbrojtjen e Popullsisë nga Sëmundjet Infektive theksojnë se janë duke e monitoruar në mënyrë aktive situatën me COVID-19 në vend, por po monitorojnë në mënyrë aktive edhe  situatën në nivel evropian dhe global.

“Prandaj, megjithëse situata aktualisht është relativisht e qetë, për të mbetur kështu, Ministria e Shëndetësisë rekomandon kujdes dhe marrjen e masave për mbrojtjen personale. Kjo vlen veçanërisht, por jo ekskluzivisht, për të moshuarit, personat që kanë një ose më shumë sëmundje kronike dhe të gjithë ata që kanë  imunitetin të dobët për çfarëdo arsye”, thekson Ministria.

Ata rekomandojnë që nëse qytetarët ndjejnë disa nga simptomat standarde (kollë e thatë, temperaturë, dhimbje fyti, dhimbje muskujsh etj.) të kërkojnë menjëherë ndihmë nga mjeku i familjes dhe të vendosin maskë.

Në Shtëpitë e shtëndetit  është rritur  numri i termineve për testimin e pacientëve, ndërsa vetëm në Shtëpinë e Shëndetit  Shkup testimi bëhet në pesë pika. Gjithashtu, vaksinimi kundër Kovid-it mbetet mbrojtja më efektive kundër zhvillimit të formave më të rënda të Kovid-it dhe shtrimit në spital. Pra, plotësisht të mbrojtur janë ata që kanë marrë dy doza vaksinash dhe një shtesë, d.m.th. dozë përforcuese. Të gjithë ata që nuk janë vaksinuar ose që nuk kanë përfunduar të gjithë ciklin e vaksinimit rekomandohet të bëjnë menjëherë të njëjtën gjë dhe për ata që kanë kaluar katër muaj nga doza përforcuese rekomandohet një përforcues i dytë”, rekomandojnë nga Ministria e Shëndetësisë.

Ata kujtojnë se është ende në fuqi detyrimi për mbajtjen e maskave në transportin publik, institucionet  shëndetësore, barnatoret dhe shtëpitë e të moshuarve.

Shkupi COVID-19 Maqedoni e Veriut