Ndërsa vjeshta ka afruar, ankthi i rritjes së infektimeve Covid është rritur. Shifrat e rasteve me Covid kanë pësuar një rritje të ndjeshme prej javësh. Kreu i Urgjencës Kombëtare, Skënder Brataj deklaroi në “LOG” se nuk do të ketë mbyllje tjetër të vendit.
“Masat kanë sens gjithmonë me faktin e epidemiologjisë tani, ka arritur 300 numri i të infektuarve për 100 mijë banorë nga 40 që ishim. Nuk do të ketë më mbyllje asnjëherë. Edhe shkollat nuk kanë sens të mbyllen deri në momentin që përballohet. Mbyllje tjetër nuk do të kemi. Plus kemi imunizim të mirë, të vazhdojë vaksinimi” tha ai.
Mjeku i njohur Genc Sulçebe theksoi se masat kufizuese nuk kanë sens. “Nuk bëhet fjalë për masa kufizuese në këtë fazë, e vetmja masë është vaksinimi. Duhet të vazhdojë një jetë normale”.
