Politike28 Qershor 2022, 12:14

"Rruga e florinjtë" Kardhiq-Delvinë/ PD publikon shifrat: S’keni parë gjë akoma

Shkruar nga Pamfleti
"Rruga e florinjtë" Kardhiq-Delvinë/ PD publikon shifrat:

Partia Demokratike ka denoncuar ditën e sotme abuzimet me ndërtimin e rrugës Kardhiq-Delvinë, ku ka publikuar shifrat e fondeve të akorduara për këtë aks.

Në një deklartatë për mediat, anëtari i Kryesisë së PD-së Enno Bozdo bëri publik emrat e kompanive të cilat janë favorizuar sit ë preferuarat e kryeministrit Rama, specifkisht kompanitë ‘Gjoka’ dhe ‘AlbStar’.

DEKLARATA E PD
Jam këtu sot, në emër të Partisë Demokratike, për t’i transmetuar publikut disa data dhe shifra.
Viti 2012
Në 7 muaj ndërtohet loti i parë i rrugës Kardhiq-Delvinë: 5.6 milion euro për 7 kilometra.
Punë e “qeverisë Berisha” të Partisë Demokratike.
Shtator 2018
Loti 4 i tenderohet firmës “Gjoka Konstruksion”: 20 milionë euro për 6.1 kilometra.
Loti 5 i tenderohet firmës “Alb Star”: 14 milionë euro për 3.3 kilometra.
Prill 2021
Autoriteti Rrugor Shqiptar për të njëjtin segment i akordon Gjoka Konstruksion një fond shtesë: 3.8 milion euro

ARRSH e zgjidh qesen me fond shtesë edhe për Alb Star-in: 2.6 milion euro.
Tetor 2018
ARRSH ia tenderon lotin 6, firmave Agbes dhe Arbëria: 20 milionë euro për 4.5 kilometra.
Prill 2021
Autoriteti akordon, edhe për lotin 6, një fond shtesë: 3.9 milion euro.
Korrik 2020
Lotin 7 qeveria ia jep Gjoka Konstruksion: 15 milionë euro.
Shkurt 2022
Firma Jubica merr tenderin për sinjalistikën rrugore: 1.8 milionë euro.
Maj 2022

Firma Gener merr tenderin e sistemimit të skarpateve të rrugës: 11 milionë euro.

Së dyti, tenderimet e trefishta për të njëjtin segment rruge, duke akorduar fonde shtesë, krejtësisht abuzive dhe të pambështetura

Së treti, shfaqjen e të njëjtëve emra përfituesish, ku ‘nxijnë’ Gjoka dhe AlbStar, oligarkët e preferuar të Rama 1, 2 dhe 3 në Bashki dhe Rama 1, 2 dhe 3 në Qeveri. Në serialin “Nuk keni parë gjë akoma”, ky nuk është episodi i fundit. Por, një gjë duket qartë: Shqipëria në rrezik.

Partia Demokratike ka krahasuar standartin e saj në kohën kur qeveriste vendin, duke akuzuar qeverinë Rama për katërfishim në kosto.

Politike Enno Bozdo kardhiq-delvine