Ministria ruse e mbrojtjes thotë se raketat kanë shkatërruar një arsenal të madh të ushtrisë ukrainase në Kryvyi Rih, qytetin e lindjes së presidentit ukrainas Volodymyr Zelensky, raporton agjencia shtetërore e lajmeve Tass.
Ministria e Mbrojtjes tha gjithashtu se sistemet ruse të mbrojtjes kundërajrore rrëzuan një avion luftarak ukrainas SU-25 në Dnipro.
Më herët presidenti ukrainas, Zelensky e ka akuzuar Rusinë për politikë të terrorit.
“Unë do t’ia kujtoj gjithmonë botës, se Rusia më në fund zyrtarisht duhet të njihet si shtet terrori, si nxitëse e terrorizmit”, tha presidenti ukrainas në një fjalim me video në Kiev. Ky përcaktim reflekton realitetin e përditshëm, që Rusia ka krijuar me sulmin e saj kundër Ukrainës dhe do që ta “çojë shumë më tepër drejt Europës”.
Zelensky është shprehur, se në fillim të javës, do t’u drejtohet anëtarëve të samitit të BE në Bruksel dhe do të flasë për “terrorin, që sot vërtet është bërë e vetmja mënyrë e vrprimit e shtetit rus kundër Europës.
“Terror në Ukrainë, terror në tregun e energjisë në Europë, jo vetëm në vendin tonë. Terror në tregun e artikujve ushqimorë, madje në të gjithë botën.” Vetëm së bashku europianët mund ta ndalin politikën e një shteti të tillë, theksoi Zelensky.
