Bota22 Janar 2023, 15:33

Rusia kërcënon Perëndimin: Nëse furnizoni Kievin me sisteme të avancuara, ne mund të përdorim armë bërthamore

Shkruar nga Pamfleti
Rusia kërcënon Perëndimin: Nëse furnizoni Kievin me sisteme

Presidenti i Dumes ruse, Vyacheslav Volodin është shprehur se furnizimi i Ukrainës me armë nga SHBA-ja dhe NATO-ja me qëllim që ajo të sulmojë Rusinë, do të çonte në përdorimin e armëve më të fuqishme nga Rusia, duke paralajmëruar një sulm bërthamorë.

Furnizimi i regjimit të Kievit me armë për sulm do të çonte në një katastrofë globale. Nëse Uashingtoni dhe vendet e NATO-s dërgojnë armë që do të përdoren për sulme ndaj qyteteve paqësore ose përpjekje për të pushtuar vendin tonë, kjo do të provokonte hakmarrje me përdorimin e armëve më të fuqishme”,  shkroi Volodin në llogarinë e tij në Telegram.

Ai shtoi gjithashtu se argumentet se fuqitë bërthamore nuk kishin përdorur më parë armë të shkatërrimit në masë, në konfliktet lokale nuk qëndronin më.

Ato vende nuk janë përballur më parë me një situatë në të cilën ekziston një kërcënim për sigurinë e qytetarëve të tyre dhe integritetin territorial të vendit, por ky nuk është më rasti”, shkroi Volodin.

Të njëjtin mendim ndau dhe ish-presidenti rus, Dmitry Medvedev i cili tha se transferimi i armëve të rënda në Ukrainë nga vendet perëndimore synon të shkatërrojë Rusinë.

Ai tha se konkluzioni që mund të nxirret nga kjo, përveç se një situatë e vështirë, është se një aleancë e re ushtarake do të formohet nga SHBA dhe aleatët e saj në rast të një konflikti të zgjatur.

Takimi në Ramstein [Baza Ajrore në Gjermani] dhe shpërndarja e armëve të rënda në Kiev nuk lë asnjë dyshim se armiqtë tanë do të përpiqen pafundësisht të na lodhin, ose më mirë, të na shkatërrojnë. Dhe ata kanë mjaft armë. Nëse është e nevojshme, ata do të fillojnë të prodhojnë të reja. Prandaj, nuk ka nevojë për iluzione”, tha Medvedev në një mesazh në Telegram.

Bota Kërcënon Perëndimin Rusia