Pesë persona janë vrarë dhe 27 të tjerë janë plagosur pas një sulmi me raketa në një bllok apartamentesh në qytetin ukrainas Dnipro.
Guvernatori i rajonit, Valentyn Reznichenko, tha se gjashtë fëmijë ishin në mesin e të plagosurve dhe të gjithë ishin në spital.
Sulmet vijnë teksa forcat ukrainase dhe ruse luftuan për kontrollin e Soledar, një qytet i vogël minierash kripe në Ukrainën lindore. Rusia tha se forcat e saj kishin marrë kontrollin e Soledar, por Kievi deklaroi se trupat e saj ishin ende duke luftuar në qytet.
“Ishte tragjedi. Unë kam shkuar në vendin e ngjarjes. Do të kalojmë nëpër rrënoja gjithë natën”, tha Borys Filatov, kryebashkiak i qytetit. Mediat ndërkombëtare raportojnë se shumë persona të tjerë janë ende nën rrënoja.