Deputeti i Partisë Demokratike Saimir Korreshi u shpreh kundër hartës së re gjyqësore. Korreshi deklaroi se me formulën e re pritet të shtohen çështjet në gjykatën administrative duke marrë i’u referuar rasteve të divorceve.
Në formë batute ai u shpreh se duhet menduar mirë martesa, duke qenë se sot një zgjidhje martese në gjykatë zgjat më shumë se dy vite.
“Për pjesën si ndodhet gjykata sot dhe me nismën tuaj ka një mos rakordancë të asaj që ndodh dhe asaj që është në terren. Po e filloj nga referenca e parë për çështjet administrative. Ky sistem me një gjykatë apeli është i dështuar. Do pesë vite ose gjashtë vite që të vijë radha. Kur Tirana ka 13 mijë çështje. Llogarite si do bëhet stoku. Do të hiqni gjithë gjykatat. Një zgjidhje martese në Tiranë do të dojë dy vjet.”
