Fijet e zeza mes dy kapobandave të tranzicionit, kanë nisur gjatë aleancës së pushtetit 2009-2013, kur bënë batërdinë mbi financat dhe pronat publike, por janë forcuar akoma shumë, pas fillimit të reformës amerikane në Drejtësi, sepse të dy kanë të njëjtin hall me ligjin, për të njëjtat histori krimesh e korrupsioni
Pas deklaratave të Zv/Ndihmës Sekretarit të Shtetit, Gabriel Eskobar dhe Ambasadores së SHBA, Yuri Kim, se politikanët e përfshirë në krime e korrupsion, do shpallen “non grata” e nuk do t’i shpëtojnë drejtësisë, presidenti Ilir Meta ka kërcënuar se po u shpall “non grata”, do rebelohet “populli i 2 marsit”.
Kohët fundit, Ilir Meta po e përmend shpesh mitingun e 2 marsit 2020, duke e përdorur, si dekor të gjoja mbështetjes që ka nga populli, kur në fakt ai ishte një ‘miting show’ force i familjes mafioze presidenciale, bërë me anëtarë e militantë të PD.
Sheshin e atij mitingu, bërë në pikun e panikut nga drejtësia amerikane, Ilir Metës ia mbushi Sali Berisha, po në hall bashkë me të, duke urdhëruar gjithë strukturat e PD në qendër e rrethe dhe duke paguar mitingashë, madje kundër vullnetit të Lulzim Bashës që në atë kohë i kishte prerë lidhjet me LSI.
Kërcënimi që i mbaruari Ilir Meta, ka filluar t’i bëjë Amerikës me fotografitë dhe videot e mitingut të 2 marsit 2020, ndodh pasi nga sikleti, ai pi raki “hu më hu” e bëhet “dru” prej “drurit” që i ka dhënë SHBA, ndaj fantazon se populli do hidhet në zjarr për hallin e tij penal.
Në fakt, jo vetëm shqiptarët nuk kanë asnjë lidhje me familjen mafioze Meta-Kryemadhi, por e kanë braktisur dhe “ushtarët” e LSI, pas largimit që Rama i bëri nga “tepsia” e pushtetit; pasi Basha e përzuri nga koalicioni dhe pas mesazhit të SHBA për ta shpallur familje “non grata”.
Por pranë Ilir Metës, vazhdon të jetë Sali Berisha, organizatori i mitingut të 2 marsit, jo se ‘viçidolasit’ të Tropojës i dhimbset ‘çepanaku’ i Skraparit, por sepse janë të dy para të njëjtit gjykim nga drejtësia, për krimet dhe korrupsionin e bërë veç e veç dhe sëbashku.
Prandaj ‘mediaxhinjtë’ e Berishës dhe Metës, po pompojnë bashkimin e grupit “Foltore” me LSI-në në zgjedhjet e pjesshme lokale të 2 marsit, të cilën e quajnë “Koalicion”, por në fakt është mbështetje e LSI, mbasi “Foltorja” nuk është parti politike e legalizuar në gjykatë.
Dhe nuk do të jetë, deri më 31 janar 2022 kur është afati i fundit i regjistrimit në KQZ; prandaj Berisha, do ta përdorë grupin “Foltore”, si burim votash për LSI, që futet në zgjedhje pa pengesë.
Kjo është e vetmja mundësi, për të kapur së bashku ndonjë “copë” pushteti lokal për propagandë e për lekë, por e rëndësishme për familjen non grata “Berisha”, është të tregojë para SHBA-ve, se ajo është PD-ja reale që ka nën komandë anëtarësinë blu.
Ndërsa familja mafioze “Meta-Kryemadhi”, po kërkon të ringjallet pas braktisjes nga anëtarët e ish-të punësuarve me logon LSI në administratë, dhe pas shpartallimit të strukturave deri në atë derexhe, sa Monika Kryemadhi ka dhënë zyrat e partisë me qira.
Pra, ashtu si mitingu i Ilir Metës me 2 mars 2020, që u mbush me anëtarë, militantë e mitingjashë të PD me urdhër të Berishës; dhe më 6 mars, po me urdhër të Berishës, “ushtria” e Foltores do votojë për LSI-në e kundër PD-së.
Kujtojmë, se fijet e zeza mes dy kapobandave të tranzicionit, kanë nisur gjatë aleancës së pushtetit 2009-2013, kur bënë batërdinë mbi financat dhe pronat publike; por janë forcuar akoma më shumë, pas fillimit të reformës amerikane në drejtësi, sepse të dy kanë të njëjtat halle me ligjin, për të njëjtat histori krimesh e korrupsioni./Pamfleti
