Politike22 Shtator 2022, 13:30

Sali Berisha u ul në rreshtin e deputetëve të PS, Spiropali: Ti i vrave socialistët!

Shkruar nga Pamfleti

Ministrja e Shtetit për Marrëdhëniet me Parlamentin, Elisa Spiropali ka reaguar lidhur me veprimin e Sali Berishës, i cili u ul në krahun e deputetëve të PS-së dhe u kërkoi socialistëve të ngrihen kundër qeverisë. Spiropali tha se Sali Berisha i vrau me plumba në bulevard socialistët.

“U ul në këtë anë të parlamentit deputeti i botës tjetër dhe mendoi se është përfaqësuesi i socialistëve. Ky që i ka qëlluar socialistët, të rinj e të vjetër.

1800 plumba në bulevardin “Dëshmorët e Kombit”. Edhe shqiptarët, patjetër, se socialistët nuk janë të Serbisë. Duke thënë se ne jemi armiq.

Patjetër që ndodh këto dhe ajo gruaja u ngrit dhe i tha “më jep leje të vras Edi Ramën”, se ky i jepte lejet dhe licencat” tha Spiropali.

Berisha teksa po priste për të marrë fjalën në foltore, ka pritur në ulëset e deputetëve të PS. Më pas ai ka shpjeguar dhe arsyen duke thënë se opozita është e vetmja që i mbron dhe socialistët e vendit.

“Jo rastësisht për herë të parë unë prita i ulur në një karrige të deputetëve socialistë. E bëra me qëllimin më të sinqertë se sot avoketër të vetëm të tyre në parlament janë demokratët dhe do ta vazhdojmë deri në fund të jemi zëdhënës të interesave të qytetarëve shqiptarë pa dallim.

Në këtë mënyrë, sesi është katandisur sesi ky parlament sot më shumë se kurrë shqiptarët kanë nevojë për përfaqësim. Sot është koha për veprime. Këta janë nga mëngjesi në darkë për mashtrime dhe vjedhje. U bëj thirrje të gjithë mësuesve që me guxim dhe kurajë të mbrojnë interesat e tyre” tha ai.


Për të rejat më të fundit behuni pjesë e grupit tonë VIRAL në facebook : PAMFLETI

Politike Berisha Spiropali