Rajerson, dikur, e trashi zërin me Sali Berishën, madje jo kaq saYuri Kim sot, me Edi Ramën. Të dy i kanë nxirë marrëdhëniet edhe me popullin e vet, edhe me Amerikën. Prandaj të dy, Saliu dhe Edi janë nisur drejt SPAK-ut.
Shkruan Sokol Pepushaj
Yuri Kim ngriti gishtin lart, e humbi besim te Edi Rama. Tashmë Babloku s’ka “helmetë”, do të shkojë në SPAK.
Po më tej?
Edi Rama i ngriti dy Satelitë në Orbitë, i humbi lidhjet me “skllevërit-popull”. E bëri na, tepsi, tepsinë e pushtetit. Kjo tepsi ngjan me një kumonë në qafë të Dashit të braktisur nga tufa e deleve.
Është i urryer deri në neveri. Është ndarë keq me popullin e vet. S’kish si ndodhte ndryshe. Kështu e ka mbyllur derën historikisht çdo pushtet, me të përplasura të forta, me tersellimë, me sharje nëpër dhëmbë “mos ua pashim më surratin”
A ka më keq?
“Skllavi-popull” ngriti nervat, i bëri kauçrel, shkeli mbi “tepsi”, humbi çdo shpresë tek ky pusht pushteti. U nis për diku, të gjejë të drejtat e liritë e veta, pasuritë e veta, Europën. Europën e pati që në vitin 1991 në fakt, por ja “grabitën” këta, hajdutët. Ata sot janë më të pasur se europianët, amerikanët, kinezët apo sheikët e Dubait me puse nafte.
Ka dalje “tuneli”?
Kthehen aty ku u nisën 30 vjet më parë shqiptarët
Çdo gjë është si atëherë. Nuk është aty ambasadori William Rajerson, por një tjetër, Yuri Kim.
Edhe ne shqiptarët nuk jemi të tërë, se janë tre dekada. Shumë kanë ndërruar jetë, shumë kanë braktisur vendin e vet, shumë kanë lindur e do lindin, pra do ketë sërish njerëz që kërkojnë ç’u takon në vendin e tyre.
Këta njerëz, proamerikanë, duhet thënë, kërkojnë pak gjë, liri e të drejta njerëzore, kërkojnë Europën, si atë tetor të largët me shpresa tek Amerika.
Edhe William Rajerson e pati trashur zërin kur Sali Berisha anëtarësoi Shqipërinë në Konferencën Islamike, kur thyente embargon e naftës me ish Jugosllavinë e Sllobadon Millosheviçit, kur shiste armë kineze për të vrarë qytetarët e Bosnje Hercegovinës, kur stimulonte firmat piramidale e ushtronte reprezalje mbi këdo kërkonte pak liri. Sidomos mbi gazetarët.
Kjo ç’thotë?
Jo vetëm thotë, por ulërin. Po ata gazetarë opozitarë të asaj kohe, jemi edhe sot. Edhe premtimet amerikane janë po ato, demokraci, biznes, mbrojtje.
Rajerson trashi zërin me Sali Berishën, bile jo kaq saYuri Kim, sot me Edi Ramën.
Të dy i kanë nxirë marrëdhëniet edhe me popullin e vet, edhe me Amerikën. Prandaj të dy, Saliu dhe Edi janë nisur drejt SPAK-ut./Pamfleti
