Oligarku tropojan financoi edhe mitingun anti- SHBA më 7 korrik/ Themi që është oligarku Bashkim Ulaj, mbasi siç dihet, oligarku Pëllumb Salillari është i Ilir Metës e Edi Ramës; Shkëlqim Fusha është i Lali Erit e Edit; Rrok Gjoka, Ndue Kola, Milo Gjikuria e Sadri Abazi janë të Ramës, Ballukut, Gjiknurit e sponsorë të PS, ndërsa Fatmir Kuçi i “Victoria Invest Shpk” është i Lulzim Bashës.
Shumë prova të publikuara nga “Pamfleti”, kanë konfirmuar komunikimin e fshehtë që kanë Sali Berisha e Edi Rama, madje dhe lidhjet në pazare; ndër to, lejet e ndërtimit që i jepen dhëndrit Malltezi dhe tolerimi tatimor për bizneset e Shkëlzenit.
Faktin e kontaktit me “postier” mes tyre, e deklaroi me zë e figurë vetë Sali Berisha, gjatë takimit që bëri 3 ditë më parë me mbështetësit e Foltores në Mirditë.
Gjatë fjalës së tij, Berisha, tha: – Një miku im i afërt biznesmen i njohur, që tani punon me Edi Ramën dhe është shumë pranë tij, më thotë shpesh, se Rama nuk po e kupton sulmin që po i bëj pas shpalljes “non grata”.
I thashë biznesmenit: – Shko thuaji Edi Ramës, se po e sulmoj ngaqë ka shkelur çdo normë njerëzore e morale, dhe ka kaluar çdo limit tjetër, e di vetë ai… Ky (biznesmeni) ia kishte thënë e më solli prej Ramës, një mesazh që…
Mjafton kaq, për të kuptuar se Berisha e Rama, paskan “postier”, që i dërgojnë mesazhe ilegale e jo-publike njeri- tjetrit, si një formë kontakti, që zbulon marrëveshjen e tyre, se deri në ç’masë dhe për çfarë do ta sulmojnë njeri- tjetrin publikisht.
Cili është biznesmeni i njohur dhe mik i afërt i Sali Berishës, që po bën rolin e “postierit” komunikues mes ish- kryeministrit “non grata” dhe kryeministrit Edi Rama?
Sali Berisha nuk e përmendi me emër në takimin e Mirditës, por dihet që është Bashkim Ulaj, oligarku i ndërtimit të kullave, HEC-ve në Valbonë, Mat, Dibër e Korçë, por dhe rrugëve e tenderëve si në kohën e pushtetit të PD dhe në pushtetin e PS.
Ky është i vetmi biznesmen tropojan dhe mik e ortak i familjes së Sali Berishës me lidhje të pa shkëputura; i cili përveç se i ka dhuruar zyrë luksoze e apartament në dy kulla në qendër të Tiranës, gjatë 8 viteve opozitë i ka sponsorizuar protestat dhe mitingjet e PD.
Pasi ra PD-ja nga pushteti, Bashkim Ulaj u bë si me telekomandë, miku dhe oligarku më i afërt i Edi Ramës; pa asnjë dyshim, në marrëveshje mes Ramës e Berishës.
Psh., Bashkim Ulaj është i vetmi që nuk përmendet nga Sali Berisha, në çdo sulm që bën për vjedhjet e Ramës me oligarkët, madje nuk foli as për PPP e rrugës Thumanë -Kashar me vlerë 5 herë më të madhe së kostoja reale, ndërsa të tjerët i sulmon përherë.
Themi që “postieri” mes Berishës e Ramës, është oligarku Bashkim Ulaj, mbasi dihet që; Pëllumb Salillari është i Ilir Metës e Edi Ramës, të cilëve u jep pjesën sipas pazarit. Oligarku Shkëlqim Fusha është i Lali Erit e edit; Rrok Gjoka, Ndue Kola, Milo Gjikuria e Sadri Abazi janë të Ramës, Ballukut, Gjiknurit e sponsorë të PS, ndërsa Fatmir Kuçi i “Victoria Invest Shpk” është i Lulzim Bashës.
Sipas informacioneve nga burime brenda PD, thuhet se dhe mitingu anti- SHBA, që plaku “non grata” organizoi më 7 korrik në Tiranë, u financua nga oligarku Bashkim Ulaj, fakt që e di edhe kryeministri Edi Rama./Pamfleti
