Kjo ndodh në fantazi normalisht. Por bëhet lajm e merr dhenë. Sali Berisha si kryeministër i ardhshëm, nuk do të pranojë në zyrë as Yuri Kim dhe asnjë përfaqësues të SHBA-ve! Si rast nervozizmi nuk tmerron askënd, pasi, sipas mbështetësve të “Foltores” së Sali Berishës, Amerika i ka futur “hundët” tek pasuria e tyre, e vënë përmes shumë peripecive në 30 vjet.
Shkruan Sokol Pepushaj
Sali Berisha i nxjerr “karton të kuq” ambasadores Yuri Kim. Duket lajm i çmendur, por s’është hera e parë që “grisen” fort kostumet diplomatike mes Shqipërisë dhe SHBA-ve. Kishte ngjarë pesë vjet përpara se të lindë Sali Berisha, më 7 prill 1939, ndërprerja e marrëdhënieve diplomatike me Amerikën, për t’u rilidhur në vitin 1991.
Ishte vit i rrëmujshëm 1991-shi. Sadisti Sali Berisha doli nga “veza” e komunizmit dhe çeli “lule” antikomuniste gjithandej skutave të errëta ku po rritej murtaja . Me të “murosur” njerëz do vinte Sali Berisha. Në Shkodër, aty ku 2400 vjet më parë Kalaja u ngrit mbi “trupin” e Rozafës, u deshën katër heronj që komunistët të besohen se janë antikomunistë.
Gjin Gjoni për shëmbull, do të jepte “drejtësi” për viktimat, do të gjykonte ish ministrin Gramoz Ruçi. Do me thënë, do i jepte pafajësi xhelatit e pafajësi viktimave.
Fallcitet shtetëror!
Derën e mbyllur të marrëdhënieve diplomatike me Amerikën, me “çelës” komunist në duar, do ta hapte pas 52 viteve, Sali Berisha.
Saliu ishte ai, apo Saliu ishte ky?
Nuk ka ndryshim fare. Ishte dhe është komunist. Thjeshtë sot në dorë ka një “çelës” tjetër, atë të burgut”. Pra, pas 30 vitesh, i njëjti sundues, i egër edhe pse i moshuar, luan lojë me hile. Meqë Amerika zyrtare e ka shpallur armik të përjetshëm atë dhe Partinë e tij Organizatë Terroriste, po vrapon të grumbullojë “arsenal” me besnikë që hypin e zbresin nga “Foltorja” me barkun bosh e mëndjen fyell. E kësi soji ka mjaft. Se ka shumë budallenj, këta vjedhin e shtypin 30 vjet.
Nëpër fantazitë e doktorit bëhet gjithçka.
Kriminelët e përbotshëm, edhe kur janë rrugës për në botën tjetër, pra, drejt varrit a burgut, nuk i lënë prapësitë.
Së prapthi po ecin të gjithë në fakt. Edhe ata të Komisionit të Vetting-ut. Me sforcim fshehin sa mundin pasuri kriminale për të tjerët e për veten. Mbrapsht e për dreq Presidenti Ilir Meta, qeveria, opozita, “Peshqit” e peshkatarët.
Prandaj Berisha bën “hundëderrin”.
E shtyn fort diplomaten amerikane Yuri Kim, i përplas derën dhe i thyen “hundën”.
Kjo ndodh në fantazi normalisht. Por bëhet lajm e merr dhenë. Sali Berisha si kryeministër i ardhshëm, nuk do të pranojë në zyrë as Yuri Kim dhe asnjë përfaqësues të SHBA-ve!
Si rast nervozizmi nuk tmerron askënd, pasi, sipas mbështetësve të “Foltores” së Sali Berishës, Amerika i ka futur “hundët” tek pasuria e tyre, e vënë përmes shumë peripecive në 30 vjet.
Këto deklarata zyrtare në gjuhën shqipe tingëllojnë të rënda. Figurativisht mund të thuhet se Saliu egërsohet me Yuri Kim, i përplas derën në fytyrë, i “thyen” hundën./Pamfleti
