E vetmja gjë që nuk do thuhet realisht, do jetë numri i pjesmarrësve në votime, por dihet që Albana Vokshi do shpallë fitues Saliun dhe do deklarojë përsëri mbi 40 mijë pjesëmarrës në votim, siç deklaroi në kuvendin e 11 dhjetorit dhe referendumin e 18 dhjetorit, ndërsa Ibseni do ta mbyll rolin e tij, duke aktruar sikur i kanë vjedhur votat
Zgjedhja e kryetarit të Foltores, është një show publik që i shërben vetëm Sali Berishës, për t’u vetëshpallur kryetar i PD-së para ndërkombëtarëve, kur ende nuk dihet, se cilit grup do t’i jepet përfundimisht e drejta ligjore e përfaqësimit të kësaj partie.
Por votimi i 22 majit është një siklet tjetër moral për Saliun, jo nga frika se mos e tradhëtojnë mbështëtësit dhe i rrëmben votat Ibsen Elezi, por ngaqë dihet se këtë garë, Saliu e ka sajuar si proces farsë qysh kur nisi Foltoren.
Për ta bërë sa më të besueshëm publikisht e për ta pagëzuar si të tillë në mediat e tij e në SHBA nëpërmjet “satelitores” Evi Kokalari, plaku “non grata” ka menduar të inskenojë ndarjen e votave mes vetes e kandidatit “kukull” Ibsen Elezi.
Burime brenda “Foltore”-s, na thanë se Belind Këlliçi, si drejtues i procesit zgjedhor të 22 majit, është urdhëruar nga Sali Berisha, që rezultati i votave të mos nxirrret 98-99% për të, por më i ulët, që gara të duket sa më reale.
Me 56 kryetarët e “Foltore”-s nëpër rrethe dhe me Albana Vokshin, Flamur Nokën e Enno Bozdon e komisionit qëndror të votimit “Foltore”, është përcjellë urdhëri e është rënë dakord, që për Ibsen Elezin të deklarohen 20% e votave, ndërsa për Sali Berishën 80% e votave.
Ky kalkulim, do bëhet që gara për kryetar mes Saliut e Ibsenit, të duket sa më reale, siç janë dukur të gjithë garat për kryetar PD-je, ku “non grata” shpallej fitues me 99% të votave.
E vetmja gjë që nuk dihet e nuk do thuhet realisht, është numri i pjesmarrësve në votime; por dihet, që fitues do shpallet Sali Berisha, i interesuari i vetëm që e financon privatisht këtë proces.
Dihet gjithashtu, se Këlliçi e Vokshi, do deklarojnë përsëri mbi 40 mijë pjesëmarrës në votim, siç deklaruan në kuvendin e 11 dhjetorit dhe referendumin e 18 dhjetorit, ndërsa Ibseni, do ta mbyllë rolin duke aktruar sikur i kanë vjedhur votat./Pamfleti
