Kryeministri Edi Rama ka zbardhur detaje nga bisedimet në Samitin e NATO-s, në Madrid.
Përmes një mesazhi në Twitter, Rama shkruan se u ka kërkuar vendeve anëtare të Aleancës që t’i jepet mundësia Kosovës për t’u bërë pjesë e mekanizmit të Partneritetit për Paqe.
Sipas Ramës, vendet që nuk e njohin ende pavarësinë e Kosovës duhet të vlerësojnë qëndrimin e saj të njehsuar me Bashkimin Evropian, në lidhje me agresionin rus në Ukrainë.
“SOT në NATO: Kërkova që Kosova të ftohet menjëherë në mekanizmin e Partneritetit për Paqe. Vendet që nuk e njohin ende Kosovën duhet të vlerësojnë qëndrimin e saj krejt të njehsuar me BE-në ndaj agresionit rus mbi Ukrainën – pavarësisht se Ukraina nuk e ka njohur ende Kosovën”- shkruan Rama.
Për të rejat më të fundit behuni pjesë e grupit tonë VIRAL në facebook : PAMFLETI
