Rusia ka reaguar menjëherë pas deklaratave të kancelarit gjerman Olaf Scholz, gjatë vizitës së tij në Prishtinë. Kancelari u shpreh se Serbia duhet të njoh pavarësinë e Kosovës, si kusht për tu anëtarësuar në BE.
Zëdhënësja e ministrisë së Jashtme ruse Maria Zakharova, shprehet se Serbia nuk i ka asnjë borxh Brukselit. Sipas saj është Perëndimi është borxhli ndaj serbëve.
“A janë këta ‘miq’ të Serbisë? Popullit serb tashmë po i thuhet vazhdimisht se çfarë dhe si të bëjë. Çfarë do të ndodhë më pas?”, shkruan në telegram zyrtarja e Ministrisë së Jashtme ruse.
Mediat në Moskë kanë sjellë në vëmendje thirrjet e ministrit të Brendshëm serb, Aleksandar Vulin që Serbia të rishikojë edhe njëherë planet për integrim në BE.