Ish-mesfushori i Gjermanisë dhe i Bajernit të Mynihut, Lotar Mateus, ka dhënë mendimin e tij në lidhje me transferimin e mundshëm të Robert Levandovskit te Barcelona.
Sulmuesi polak nuk e ka rinovuar akoma kontratën e tij me bavarezët, dhe klubi katalanas ka dëshirë t’i dhurojë Çavit një kampion tek i cili të mbështetet për sezonin e ardhshëm.
“Nuk do të befasohesha shumë nëse Roberto do të transferohej në Katalonjë”, ka thënë legjenda e futbollit gjerman për “Sky Deutschland”.
“Nëse Barcelona do t’i ofronte një kontratë trevjeçare, siç do ai, dhe klubet do të bien dakord për një shifër që kënaq Bajernin, atëherë do t’i kuptoja të gjitha palët.
“Barcelona mund të mos jetë më e mirë se bavarezët, por të luash para 100.000 personave dhe të luftosh kundër skuadrave të tjera të mëdha është një objektiv i kuptueshëm.
“Megjithatë, nëse palët nuk janë dakord, atëherë jam i sigurt se Robert do të shënojë më shumë se 30 gola për Bajernin sezonin e ardhshëm”.