Shkruar nga Pamfleti
Senati amerikan voton ratifikimin e anëtarësimit në NATO të Suedisë dhe Finlandën
Senati Amerikan votoi miratimin e një rezolute për ratifikimin e anëtarësimit të Suedisë dhe Finlandës në NATO, vendim historik ky i cili synon forcimin e bllokut të mbrojtjes mes luftës së Rusisë në Ukrainë.
NATO zyrtarizoi ftesën e saj për Suedinë dhe Finlandën për t’u bashkuar me aleancën në fund të qershorit dhe vendimi duhet të shkojë në parlamentet dhe legjislaturat e 30 vendeve anëtare për ratifikim përfundimtar.
Presidenti Joe Biden dërgoi protokollet për ratifikim në Senat në korrik, duke i hapur rrugën votimit, i cili kërkonte votat e dy të tretave të Senatit për të pasur sukses.
Pasi Senati të miratojë protokollet e anëtarësimit të Suedisë dhe Finlandës në NATO, “hapi tjetër në procesin e ratifikimit është që Presidenti të nënshkruajë një instrument të ratifikimit të traktatit“, tha një zëdhënës i Departamentit të Shtetit për CNN.
Suedia dhe Finlanda njoftuan të dyja synimin e tyre për t’u bashkuar me NATO-n në maj, pasi pushtimi rus i Ukrainës shkaktoi një ndryshim të papritur në qëndrimet ndaj anëtarësimit në bllok.
Arsyeja pse shumica e vendeve i bashkohen NATO-s është për shkak të Nenit 5, i cili përcakton se të gjithë nënshkruesit e konsiderojnë sulmin ndaj një anëtari si sulm kundër të gjithëve. Neni 5 ka qenë një gur themeli i aleancës që kur u themelua në 1949 si një kundërpeshë ndaj Bashkimit Sovjetik.
