Aktualitet30 Janar 2019, 21:17

“SHBA hapi kutinë e zezë”! Spartak Ngjela zbulon planin e amerikanëve dhe paralajmëron: Kush e ka radhën pas Ra

Shkruar nga Pamfleti
“SHBA hapi kutinë e zezë”! Spartak Ngjela zbulon planin e

"SHBA hapi kutinë e zezë"! Spartak Ngjela zbulon planin e amerikanëve dhe paralajmëron: Kush e ka radhën pas Ramës

Janë dy abuzues të mëdhenj të cilët, të akuzuar dhe në pritje të penalizimit të tyre, po duan të destabilizojnë Shqipërinë: Sali Berisha dhe Edi Rama

Avokati i njohur, Spartak Ngjela, e ka cilësuar një goditje të rëndë për mazhorancën qeverisëse të Edi Ramës publikimin e përgjimeve nga “Zëri i Amerikës”, ku faktohej bashkëpunimi i socialistëve me bandat kriminale për blerjen e votave. 

Përmes një mesazhi në rrjetet sociale, avokat Ngjela shkruan se kjo ishte një akuzë shumë e rëndër e politikës amerikane, njëlloj si me Berishën në vitin 1996. Ai paralajmëron se SHBA do të bëjë të njëjtën gjë edhe me Sali Berishën e Lulzim Bashën, të cilët do t’i godasë pas Ramës.

Ndër të tjera, avokati shton se amerikanët kanë në plan të çojnë përpara Reformën në Drejtësi me një qeveri tekniko-profesionale të emëruar dhe të drejtuar prej tyre dhe kjo do të jetë rruga më e sigurt për varrosjen e korrupsionit kryeministror shqiptar të të dy kahëve të politikës aktuale.

Mesazhi i plotë i Spartak Ngjelës

Zëri i Amerikës, për blerje votash në zgjedhjet e vitit 2017; goditi në mënyrë frontale kryeministrin aktual të Shqipërisë. Në fakt, kjo është akuzë e rëndë që po ngre politika amerikane, se Rama është ngritur kundër sistemit. Njëlloj si Berisha në vitin 1996.

Si mund të drejtojë vendin një njeri i tillë? Por pyetja më e drejtpërdrejtë duhet të jetë kjo: përse i duhet pushteti një personi si Rama që nuk di të bëjë asgjë, veç korrupsionit? Si mund të qeverisë një individ si ky kur abuzon mbi pasurinë kombëtare dhe vjedh dhe vota? I tëri është antikombëtar dhe antisistem.

Kjo është një gjendje e rëndë për të ardhmen e Shqipërisë. Janë dy abuzues të mëdhenj të cilët, të akuzuar dhe në pritje të penalizimit të tyre, po duan të destabilizojnë Shqipërinë: Sali Berisha dhe Edi Rama. Por a do ta arrijnë dot? Jo. Që të dy kanë shpresë për trazira në datën 16 shkurt. Por Zëri i Amerikës e filloi shpalosjen e hapjes së kutisë së zezë të Edi Ramës. Dhe sigurisht që do të vijojë edhe me Bashën e Berishën. Kështu duhet të vazhdojë.

Pse e filluan me Ramën? Sepse ai është kryetari i mazhorancës, është kryeministër dhe kohët e fundit ka emëruar në policinë e shtetit ish drejtorët e inkriminuar të Sali Berishës. Kot e kanë. Procesi antikorrupsion sot filloi të ecë në një fazë të re. Dhe, nëse vijon kështu, çfarë duhet të kuptohet politikisht?

Politika amerikanë kërkon të deligjitimojë zgjedhjet e vitit 2017, dhe ta çojë reformën përpara me një qeveri tekniko-profesionale të emëruar dhe të drejtuar prej saj. Kjo do të jetë rruga më e sigurt për varrosjen e korrupsionit kryeministror shqiptar të të dy krahëve të politikës aktuale.

Kryesore Pergjimet spartak Ngjela Zëri i Amerikës