Uashingtoni nuk ka dhënë leje për një fluturim special të avionit shtetëror rus drejt Shteteve të Bashkuara, i cili supozohej të kthente në shtëpi punonjës të misioneve diplomatike ruse dhe familjarët e tyre që ndodheshin në SHBA.
Pas refuzimit të lejes nuk ka munguar reagimi nga ana e Moskës, ku zëdhënësja e Ministrisë së Jashtme ruse Maria Zakharova tha se SHBA, po dëmton sistematikisht marrëdhëniet mes dy vendeve.
“Shtetet e Bashkuara po vazhdojnë të dëmtojnë sistematikisht marrëdhëniet dypalëshe, të cilat tashmë janë në nivelin më të ulët të tyre. Uashingtoni është dalluar në marrjen e një lëvizjeje tjetër armiqësore kundër vendit tonë, duke mos dhënë leje për një fluturim special të avionëve shtetërorë rusë drejt Shteteve të Bashkuara, e cila duhej të mbante në shtëpi punonjës të institucioneve të huaja ruse dhe familjet e tyre”, tha ajo.
Zakharova u shpreh se ishte vetë Departamenti amerikan i shtetit që ju kishte dhënë ultimatum diplomatëve rus për tu larguar nga SHBA, ndërsa sot kishte ndaluar fluturimin që kishte qëllim humanitar.
“Administrata e Joe Biden ka preferuar të injorojë plotësisht faktin se në fakt është një veprim humanitar pasi avioni ynë duhej të fluturonte për të marrë ata nga kolegët tanë të cilëve Departamenti i Shtetit u kishte dhënë më parë një ultimatum, duke i urdhëruar ata të largoheshin nga Shtetet e Bashkuara. Shtetet deri në fund të këtij muaji”, thuhej në deklaratë.
Zëdhënësja ruse shtoi se një sjellje e tillë sfiduese e autoriteteve amerikane nuk do të “mbetej pa përgjigje nga ana e Rusisë.
“Siç e kemi paralajmëruar edhe më parë, pasi t’i refuzohet hyrja një fluturimi special rus, pashmangshmërisht do të pasojnë kundërmasa, përfshirë ato asimetrike, për të cilat ne do të njoftojmë përmes kanaleve diplomatike në përputhje me procedurën e vendosur”, u shpreh ajo.
