Një ngjarje e trishtë ka ndodhur në Kolumbi. Në një ndeshje me dema, e cila luhej në stadiumin “El Espina” të Tolimas, ishin mbledhur një numër i lartë tifozësh.
Një pjesë e stadiumit u shemb, tifozët u përfshinë nga paniku dhe nxituan të zbrisnin në fushë.
Bilanci? Katër të vdekur dhe shumë të plagosur, rreth 322, 30 nga të cilët në gjendje të rëndë.
Videoja e postuar nga presidenti i sapozgjedhur i Kolumbisë, Gustavo Petro, tregon një tribunë plot me spektatorë që shembet, ndërsa njerëzit vrapojnë të tmerruar.
“Na vjen shumë keq për atë që ndodhi në arenën tonë të ndeshjes me dema. Dua t’u kërkoj qytetarëve që janë në zonë të evakuohen. Autoritetet tashmë po i përgjigjen urgjencës dhe të lënduarit janë dërguar në spitale”, tha Huan Karlos Tamajo, kryetari i bashkisë Espinal.
Asnjë shkak zyrtar i shembjes së stadiumit nuk është dhënë, por Tamajo tha në deklaratën e tij se autoritetet “kanë filluar tashmë të hetojnë shkaqet e asaj që ndodhi”
4 people have been killed, hundreds were injured after a stand collapsed during a bullfight in the municipality of El Espina in central Colombia 🇨🇴https://t.co/weyFQmgAt4 https://t.co/RM192c69gQ pic.twitter.com/v6pEHEOIZx
— Saad Abedine 🤬😷🤟🏼 (@SaadAbedine) June 26, 2022
