Dy incidente janë shënuar në qendër të Tiranës mes tifozëve, ndërsa pak orë na ndajnë nga finalja Europiane e Conference League.
Fillimisht, një tifoz i Feyenoord është konfliktuar ashpër me një shqiptar. Ngjarja ka ndodhur në një nga kafet te zona e “9 katësheve” në kryeqytet. Holandezi, në gjendje të dehur, ka rënë nga karrigia dhe më pas ka akuzuar të pranishmit, një grup shqiptarësh, se e kanë shtyrë. Debati ka agravuar deri në konflikt fizik.
Siç duket dhe nga pamjet e mësipërme i plagosuri ndodhet i shtrirë në trotuar, i pamundur të ngrihet në këmbë dhe i mbuluar me gjak në pjesën e fytyrës. Tifozi është dërguar në spitalin e Traumës pasi kishte marrë plagë në kokë, por ndodhet jashtë rrezikut për jetën.
Ndërkaq, konflikti tjetër ka ndodhur në zonën e pedonales, te Kalaja e Tiranës.