Merr fund pas 11-viteve marrëdhënia mes Zherrard Pike dhe Shakirës. Futbollisti i Barcelonës dhe këngëtarja e famshme kolumbiane nuk do të jenë më çift, teksa 45-vjeçarja nuk ia ka falur tradhëtinë mbrojtësit katalanas.
Në komunikatën në fillim të qershorit, ku të dy shpallën ndarjen, kërkohej “respektimi i privatësisë për mirëqenien e fëmijëve, të cilët janë prioriteti ynë kryesor”. Këtu, le të themi se në Spanjë nuk e morën saktësisht kërkesën e çiftit, duke i përndjekur në çdo hap.
Një presion asfiksues bëri që Pike të nervozohej me një gazetar. Ky i fundit e ndoqi sapo mbërriti në aeroport, deri në momentin kur mbrojtësi spanjoll tentoi të mbyllte papritur një derë në fund të disa shkallëve. Në atë moment një gjest agresiv shkaktoi, sipas gazetarit, rënien e celularit të tij, ndërsa Pike e ofendonte vazhdimisht.
Xhordi Martín, ky është emri i paparacit. Me siguri presioni është maksimal në këtë moment tek Pike, i cili duhet të përballet me ata që nuk ndalen as para pranisë së dy të vegjëlve Milan dhe Sasha.
