Ylli i muzikës pop, Jennifer Lopez dha një performancë të shkëlqyer në inagurimin e presidentit të zgjedhur Joe Biden, në ceremoninë që u mbajt dje në Capitol Hill.
Sapo mbaroi performancën e saj, JLO shkoi pranë stafit të saj dhe krah partnerit Alex Rodriguez, ku shkëmbeu dhe një puthje. Imazhet nga shkallët e Capitol Hill i ka publikuar vetë JLO në rrjetet sociale, ku ajo shkëlqen me veshjen e bardhë, ndërsa Alex ishte kuruar me detaje për tu kombinuar me Lopez.
Alex dukej më krenar se kurrë pranë partneres së tij, e cila dha një super performancë, dhe gjatë të cilës, thërriti fuqishëm në gjuhën spanjolle:- “Një komb nën Zotin, të pandashëm, me liri e drejtësi për të gjithë.”
Ditën e djeshme, Joe Biden u betua sot si presidenti i 46-të i Shteteve të Bashkuara, duke marrë stafetën nga Donald Trump, i cili nuk ishte prezent në ceremoni, siç kishte paralajmëruar dhe më herët. Të shumtë janë figurat publike të cilët kanë shprehur hapur mbështetjen ndaj Biden.
