Avokati Gjergj Neli është shoqëruar në Policinë e Lezhës. Ai është marrë forcërisht nga zyra e avokatisë ku po punonte, teksa bashkëshortja e tij zv kryetare e Dhomës së Avokatisë Shaqe Marinaj denoncon se ai është dhunuar nga uniformat blum përkatësisht nga efektivi Myrteza Mehmeti.
Shaqe Marinaj është shprehur për mediar se: Ka një denoncim për Gjergjin se ka përdorur ai dhunë ndaj policisë, por është e kundërta. Ai është vetëmbrojtur. Ata erdhën deri këtu dhe e kapën për zhelesh, e nxorrën jashtë. Në momentin që ai ka ardhur dhe ka dashur të shkojë në banjo, polici u fut brenda dhe tek dera kryesore ushtroi dhunë ndaj avokatit dhe ndaj meje.
Mësohet se ndalimi i avokatit është bërë me arsyetimin se ai ka vendosur dy stola në hyrje të zyrës për shkak të Covid-19 dhe për këtë është denoncuar nga një banor i pallatit, ku ndodhet zyra e tij.
Ajo ka kërkuar që të veprohet menjëherë ndaj efektivit, që sipas saj, ka ushtruar dhunë, ndërsa ka bërë gati padinë për SHÇKB, duke kërkuar që të sekuestrohen kamerat e sigurisë për të evidentuar dhunën,që ajo pretendon se është ushtruar ndaj avokatit Gjergj Neli.
Ndërkohë, Policia e Lezhës ende nuk ka bërë asnjë deklaratë në lidhje me ngjarjen.
