Raportohet se një shpërthim ka ndodhur ditën e sotme në Angli. Sipas Dailymail thuhet se një rrjedhje gazi mund të ketë krijuar një shpërthim nëntokë ku prej tij rreth 25 persona janë evakuar nga vendi dhe 1 person është transportuar për në spital.
Si pasojë e shpërthimit rreth 100 banesa në vend mbetën pa energji elektrike ne qytetin e Devonit. Në lidhje me këtë ngjarje policia e Devonit tha se ata kanë marrë masat e duhura për të vënë nën kontroll situatën.
Në njoftimin e policisë thuhet: “Policia u kontaktua në orën 11.50 për njoftimet mbi shpërthime të mundshme nga një rrjedhje e dyshuar gazi ose mungesë elektrike që vinte nga poshtë rrugës së Kingsbridge. Rruga e Kishës është mbyllur dhe rreth 25 njerëz nga pronat në zonë janë evakuuar dhe për ta po rregullohet një strehim i përkohëshëm.”
