Politike27 Nëntor 2022, 16:03

Shqipëri - Kosovë: një komb, dy realitete të ndryshme

Shkruar nga Pamfleti
Shqipëri - Kosovë: një komb, dy realitete të ndryshme

Kuvendi i Shqipërisë ka mirëpritur Kuvendin e Kosovës, në vigjilje të 110 vjetorit të pavarësisë; një ngjarje kjo historike, e cila ndërlidh vlerat e përbashkëta dhe zakonet mes dy vendeve nën filozofinë “dy shtete, një Komb”.

Në një koment referuar zhvillimeve të ditës, gazetari Lutfi Dervishi ka hequr një paralele mes Shqipërisë dhe Kosovës për të kuptuar se sa larg qëndrojnë si realitete sa i përket vetëqeverisjes, megjithëse njëra ka 14 vite shtet, ndërsa shteti mëmë plot 110.

“Kosovë – Shqipëri, një komb, dy shtete

Kosova ka autostradat më të mira, në rajon;

Kosova ka autostradën Ibrahim Rugova, falas ndërsa Shqipëria ka rrugën e Kombit me… tra;

Kosova ka policinë më të mirë në rajon ndërsa Shqipëria…

Kosova ka zgjedhje model, ndërsa Shqipëria ka kontestimet model.

Kosova ka ndërruar elitën politike të 2020, ndërsa Shqipëria ka sërish e sërish elitën politike të vitece ’90;

Kosova ka institucionin e dorëheqjes, ndërsa Shqipëria e ka shpallur “non grata”;

Kosova ka veteranë të UÇK-së, Shqipëria ka (ende) veteranë të Luftës së II-të Botërore;

Kosova ka Gjykatën Kushtetuese në Prishtinë, ndërsa Shqipëria e ka në Venecia;

Kosova ka vetëm procesin e Berlinit, Shqipëria ka Ballkanin e Hapur;

Kosova ka çaj rus, Shqipëria “ka” rubla ruse;

Kosova ka euron si monedhë zyrtare, ndërsa Shqipëria ka lekun;

Kosova ka 14 vjet shtet, Shqipëria plot 110 vite”- shkruan Lutfi Dervishi.

Politike Kosove Lutfi Dervishi Shqiperi