Kryeministri Rama, pasi e ka bërë shtetin e vendin një çiflik të tij, të ministrave të tij, të Sali Berishës, Ilir Metës, oligarkëve e trafikantëve; me projekt-ligjin e amnistisë fiskale po e bën “Han pa porta”, për të futur dhe pastruar milionat e zeza jo vetëm nga hajdutët e Shqipërisë, por për çdo të huaj që merr shtetësi shqiptare apo regjistron një logo biznesi, pasi për qeverinë, futja e miliardave është shpëtim në këtë kohë kur buxheti ka falimentuar nga borxhet, korrupsioni, vjedhjet, evazioni i lejuar fiskal, PPP-të etj.
Kasta qeveritare, oligarkët e grupet kriminale, po e trumbetojnë amnistinë si “fuqizim ekonomik”, ndërsa shoqëria dhe grupet e interesit që kanë zbatuar ligjin, po e cilësojnë “krim shtetëror”, për të rehabilituar të gjithë ata që kanë “prodhuar” miliona Euro e pasuri të zeza.
Por me shumë interes, Amnistia Fiskale e Edi Ramës është pritur jashtë Shqipërisë, nga individë e grupe kriminale, bosë trafiqesh e madje edhe ish- politikanë e qeveritarë, të cilët pas shpalljes së projekt- ligjit, janë dyndur për të marrë shtetësi shqiptare.
Burime nga Ministria e Brendshme, kanë bërë me dije për “Pamfleti”, se mijëra shtetas të rajonit tonë; si dhe grekë, italianë, polakë, hungarezë, anglezë, spanjollë, bullgarë, turq, qipriotë, indianë, holandezë, çekë, azerbajxhanas e deri brazilianë, po nxitojnë të bëhen shtetas shqiptarë.
Të huajt nga vendet që përmendëm, por dhe të tjerë që janë në Shqipëri për biznes e arsye të tjera, aplikimet i kanë bërë në drejtoritë e policive të qarqeve ku janë deklaruar si rezidentë.
Ndërsa sipas ligjit nr. 113, datë 29.7.2020, të huajt që nuk janë në Shqipëri, aplikimet po i bëjnë në zyrat konsullore shqiptare, ku sipas informacionit, ka kërkesa të shumta, sidomos në Greqi, Itali, Angli, Zvicër, Spanjë, Hungari, Bullgari, Gjermani, Turqi, Holandë, Azerbajxhan etj.
Ndër ta ka dhe shumë qytetarë që e kanë lënë shtetësinë shqiptare para 15-20 vitesh, ndërsa pas shpalljes së Amnistisë, duan ta marrin përsëri, siç duket për të ligjëruar milionat ilegale që kanë.
Sepse shohin, që kryeministri Rama, pasi e ka bërë Shqipërinë çiflik të tij, të ministrave të tij, të Sali Berishës, Ilir Metës, oligarkëve e trafikantëve; me projekt- ligjin e Amnistisë Fiskale, po e bënë “han pa porta” për të futur dhe pastruar milionat e zeza të botës.
Këtë të drejtë e kanë jo vetëm hajdutët e Shqipërisë, por çdo i huaj me shtetësi shqiptare apo me një logo biznesi në Shqipëri; mbasi për qeverinë, futja e miliardave është shpëtim në këtë kohë kur buxheti ka falimentuar nga borxhet, korrupsioni, vjedhjet, evazioni i lejuar fiskal, PPP-të etj.
Dhënia e shtetësisë shqiptare, ka disa kushte e filtra të fortë ligjor, të cilat duhet t’i bëjë Ministria e Brendshme, në mbikëqyrjen e Ministrit të Brendshëm, nga i cili miratohen kërkesat.
Por deri në 2 milionë Euro, pasuri, sende me vlerë, ikona e vepra arti të pa deklaruara e të pa regjistruara, i kanë vetëm trafikantë emigrantë e shtetas të huaj, me probleme ligjore në vendet e tyre.
Përballë këtij fakti, bëhet pyetja: – A do t’i filtrojë Çuçi i Bablokut, të huajt që kërkojnë shtetësi shqiptare, apo do t’i kalojë “derr në thes”, mjafton të sjellin deri 2 milionë Euro në Shqipëri?
Ka sinjale, se të gjithë do “shqiptarizohen” dhe në shkelje të ligjit, mbasi ministri Çuçi ka “ligj” vetëm fjalën e Edi Ramës, bërë emigrantëve e të huajve, që t’i sjellin milionat ilegale në Shqipëri.
Kjo thirrje, ka joshur “çunat shqiptarë” të Anglisë, Italisë, Spanjës, Turqisë, Holandës, Zvicrës, Norvegjisë, Moldavisë, Maltës, Greqisë etj., por edhe “çuna” të huaj, që vetëm me pagesën 30 Euro, mund të bëhen shtetas shqiptarë e të përfitojnë nga Amnistia Fiskale.
Sipas informacionit, kryeministri Rama ka urdhëruar, që afati fundor për të dhënë shtetësitë shqiptare për efekt të Amnistisë Fiskale, të shtyhet deri në qershor 2023, si gjoja “kërkesë nga populli”./Pamfleti
