I çuditshëm ky populli francez që ngrihet të protestojë për çmimet e larta, a thua se vetëm atyre iu rritën çmimet. Le pa, protestojnë për shërbimin urban, kur në urbanet e Shqipërisë (sidomos të Tiranës), paguan shtrenjtë për t’u shtypur si sardele.
I famshmi Harry Fultz, i cili i la Shqipërisë një pasuri të madhe siç është shkolla që sot mban emrin e tij, dikur bëri një eksperiment social:
Thuhet se fillimisht, nxënësve që kishin ardhur për të studiuar aty dhe paguanin ushqimin e fjetjen, u hoqi mishin, qumështin, më pas reçelin, gjalpin e me radhë, ushqimet për të cilat kishin paguar.
Edhe pse i la me fare pak gjë, asnjë prej tyre nuk protestoi. Atëherë, Fultz doli në konkluzionin: Shqiptarët lum kush do i qeverisë! Kjo, pasi ata nuk protestojnë as për të drejtat e tyre.
Diçka e tillë u vërtetua edhe me ‘mbretërimin’ thuajse 50 vjet të komunizmit që nuk la gjë pa i bërë, në emër të popullit, pikërisht këtij populli.
I çuditshëm ky populli francez që ngrihet të protestojë për çmimet e larta, a thua se vetëm atyre iu rritën çmimet. Le pa, protestojnë për shërbimin urban, kur në urbanet e Shqipërisë (sidomos të Tiranës), paguan shtrenjtë për t’u shtypur si sardele.
Të mos flasim pastaj për pensionet….
Pensionistët shqiptarë vetëm mund të përloten para mikrofonit të ndonjë medieje, sepse edhe kur ngrihen për pensionet e vonuara (se për rritje nuk bëhet fjalë), zërin e kanë shumë të dobët dhe nuk arrin në veshin e shurdhët të këtij Shteti në përgjithësi e kësaj Qeverie në veçanti. /Pamfleti
