Mediat britanike vijojnë të hedhin dyshime se presidenti rus Vladimir Putin nuk është aspak në gjendje të mirë shëndetësore. Një ditë më parë ishin ekspertët që analizuan gjuhën e trupit të presidentit në meshën e Pashkës Ortodokse. Mirëpo britanikja “The Mirror”, ka ngritur dyshime se Putin nuk ka marrë fare pjesë në meshë dhe Kremlini ka shpërndarë pamjet e një viti më parë.
Fotografitë e publikuara thuhet se kanë një ngjashmëri me imazhet e vitit të kaluar duke shtuar pikëpyetjet nëse ato ishin të vërteta ose jo.
Sipas “The Mirror”, Putin u fotografua me Sergey Sobyanin me të njëjtën veshje që ishin fotografuar në maj të 2021. Madje pretendohet se pamjet e Putin kanë ndryshuar pozicion, për ta bërë më realiste situatën.
“Ashtu si vitin e kaluar, ka vetëm një person pranë presidentit që është kryebashkiaku i Moskës Sergei Sobyanin”, shkruan tabloidi.
Ndërkohë në rrjetet sociale reagimet kanë qenë të shumta, disa prej të cilave ishin: Putin 2022 në Katedralen e Krishtit është pothuaj i padallueshëm nga Putin në vitin 2021. Dyshimet janë se për shkak të gjendjes së tij shëndetësore, Kremlini përdor materiale të vjetra.