Reperja e famshme amerikane, Cardi B, raportohet se do të ketë rolin e parë apo kryesor në komedinë, “Assisted Living” të Paramount.
Pas një çmimi në ‘Grammy’ për albumin më të mirë në 2018, ajo u shfaq në filmin e metrazhit të gjatë “Hustlers” vetëm një vit më vonë së bashku me Jennifer Lopez dhe Constance Wu.
Gjithashtu, u bë e ditur se do të luajë edhe në “Fast & Furious 9” që do transmetohet gjatë këtij viti.
Bazuar në një skenar origjinal specifik nga shkrimtari i “This Is Us”, Kay Oyegun, “Assisted Living” ndjek një kriminele të quajtur Amber, rol ky që do të luhet nga Cardi B.
Ajo e gjen veten në një situatë të vështirë pasi në arratisje nga policia dhe disa kriminelë të tjerë, nuk gjen dot vend për t’u fshehur, teksa maskohet si një grua e moshuar dhe strehohet në azilin e gjyshes së saj, të cilën nuk e viziton prej vitesh.
“Assisted Living” ndërkohë po bën krahasime me komeditë e tjera klasike si: Mrs. Doubtfire, Sister Act dhe Tootsie.
Skenari është realizuar nga Kay Oyegun, ndërsa Temple Hill dhe Stephen Love janë producentë të filmit.
Me Cardi B në kast, “Assisted Living” padyshim që do të mbledhë edhe shumë yje, por që publiku ende nuk e ka parë se si do të shkojë ajo në një rol kryesor.
