Shkruar nga Pamfleti
Si mund t'iu përgjigjet Xi Jinping protestave?
A mund të godasë regjimi kinez protestuesit, nëse demonstratat vazhdojnë? Ekspertët e politikës ndërkombëtare mendojnë se presidenti Xi Jinping ndodhet në një pozicion të vështirë.
Sipas shkrimtares dhe gazetares kineze Lijia Zhang, dy janë rrugët se si mund të devijoi situata: ose qeveria mund të godasë, ose mund të tërhiqet disi dhe të ul kontrollet e COVID.
Zhang thotë se publiku do të vlerësonte të paktën një afat kohor se kur mund të lehtësoheshin kufizimet e koronavirusit pasi ai mbetet i hapur për momentin.
Ndërkaq, shkrimtari dhe studiuesi i Shkencave Politike, Francis Fukuyama thotë se problemi i Presidentit Xi është se “Kina ka një shkallë shumë të ulët të vaksinimit“. Autoritetet kineze nuk kanë qenë të gatshme të pranojnë vaksina të huaja si Pfizer ose Moderna, dhe një numër i madh i të moshuarve kinezë mbeten të pavaksinuar.
Si rezultat, heqja e kufizimeve mund të sjellë më shumë vdekje nga COVID-19.
Nga ana tjetër, redaktori i SKYNews për çështjet ndërkombëtare, Dominic Waghorn shprehet se situata është “një fuçi baruti”, gati të shpërthejë. Presidenti Xi ka dy rrugë: ose të ndezë fitilin dhe të rrezikojë më shumë zemërim dhe zhgënjim, ose mund ta lëshojë pak dhe të gjithë të digjen.
Një tjetër opsion për presidentin kinez tashmë – dhe shanset janë tepër të larta që të mos e pranojë – është të ul “kokën” për të importuar vaksina perëndimore dhe pranojë që strategjia aktuale nuk po funksionon.
